Videwo, nafa be min kɔnɔnako la halibi

Cira juman be sɔrɔ videwo David : il mettait sa confiance en Dieu la? O cira ko an ka kan k’an jigi la Jehova kan i n’a fɔ Dawuda y’a kɛ cogo min na (Zab. 91:2). Dawuda ye wale minw kɛ a ka ɲɛnamaya kɔnɔ, an kɛtɔ k’o wale kunbaba dɔw filɛ videwo nin kɔnɔ, o bena denmisɛnw ni mɔgɔkɔrɔw dɛmɛ u ka kalan sɔrɔ (Zab. 31:15). Ɲiningali caaman fana be sɔrɔ o videwo kɔnɔ. U dɔw b’an lasun ka sɛgɛsɛgɛri kɛ Bibulu kɔnɔ.

I k’o videwo filɛ, ani o kɔ, i ka tɛmɛ ɲiningali ninw fɛ k’i ka lɔnniya sɛgɛsɛgɛ k’a filɛ: (1) Mun na Jehova ye masacɛ fisaman sugandi? (1 Sam. 15:10, 11; 16:1). (2) Mun na a ma Dawuda ka balima si sugandi? (1 Sam. 16:6, 7). (3) Mun na a tun ka di Saul ye Dawuda ka nkɔni fɔ a ye? (1 Sam. 16:14-23). (4) Goliyati tun ye jɔn ye? (1 Sam. 17:4-10). (5) Mun na Dawuda tun b’a fɛ ka Goliyati kɛlɛ? (1 Sam. 17:23, 24, 36, 37). (6) Jonatan tun ye jɔn ye? (1 Sam. 14:1). (7) Tuma juman na Saul kɛra Dawuda ka juguba ye? (1 Sam. 18:25-29). (8) Mun na Dawuda ma Saul faga? (1 Sam. 26:7-11). (9) Saul sara cogo juman na? (1 Sam. 31:1-6). (10) Jonatan ka saya koo fɔra Dawuda ye minkɛ, a y’o kibaruya minɛ cogo di? (2 Sam. 1:11, 12) (11) Jehova ye layidu juman ta Dawuda ye? (2 Sam. 7:12, 13, 16). (12) Dawuda ye filiba juman kɛ? (2 Sam. 11:1-5, 14-17). (13) Cogo juman na Dawuda y’a yira ko a nimisara kosɔbɛ a ka kɛwale la? (Zab. 51). (14) Dawuda ye kalan juman di Solomani kamalentɔ ma? (1 Masak. 2:1-4; 1 Tilew Kib. 22:6-13; 28:9, 10). (15) Cogo juman na Yesu ka masaya bena Dawuda ni Jonatan ni ile nafa?—Esayi 11:6-9; Yuh. 11:25, 26.

Sisan, i ka miiri k’a filɛ: Dawuda y’a jigi la Jehova kan cogo min na, ile be se k’a ladegi cogo di?

Bangebagaw, a’ y’a don aw deenw kuun na ko sanga ni wagati bɛɛ la, a kɔrɔtalen be ka jigidali kɛ Ala kan i ko Dawuda y’a kɛ cogo min na.—Zab. 56:11.