Zurunaliw yiracogo

La Tour de Garde 1er juillet

“Bi duniɲa ɲagaminen lo kosɔbɛ. Mɔgɔ caaman b’u yɛrɛw ɲininga ko: ‘Mun na kunkow ka ca ten? Ni Ala be yen, mun na a tɛ dɔ kɛ walisa ka tɔɔrɔ ban?’ Yala i delila ka miiri o kan wa? [An ka mɛnni kɛ a tigi fɛ.] Bibulu be ɲɛfɔli gwɛnen di o kan. O be sɔrɔ zurunali nin kɔnɔ.” An ka 2 Timote 3:16 kalan.

La Tour de Garde 15 juillet

“E ka miiri la, yala gofɛrɛnɛman dɔ bena sɔrɔ min bena duniɲa ka kunkow ɲɛnabɔ wa? [An ka mɛnni kɛ a tigi fɛ.] Yesu y’a ka kalandenw kalan u ka delili kɛ o gofɛrɛnɛman sifa koo la. A ka kumaw be sɔrɔ Matiyu 6:9, 10 la. [An k’o kalan.] Zurunali nin b’a ɲɛfɔ mun na Ala ka Masaya kɔrɔtalen be ka tɛmɛ hadamadenw taw kan, ani a bena duga minw lase an ma.”

Réveillez-vous! Juillet

An mana kamalen wala sunguru dɔ kunbɛn, an be se k’a fɔ ko: “E filankuru caaman be miirila furu koo la. E ka miiri la, i be se ka kunnafoni sɔbɛw sɔrɔ furu kan min? [An ka mɛnni kɛ a fɛ.] I k’a kɔrɔsi jɔn lo ye furu jusigibaga ye. [An ka Matiyu 19:6 kalan.] Zurunali nin be Bibulu ka miiriya dɔw yira minw b’an dɛmɛ ka hɛɛrɛ sabati furu kɔnɔ.”

La Tour de Garde 1 er août

“Bi, an ɲɛɛ b’a la ko yɔrɔ caaman na mɔgɔw b’u mɔgɔɲɔgɔnw niin tɔɔrɔ. E ka miiri la, yala koow tun bena kɛ daan na ni mɔgɔ caaman tun be Yesu ka kuma ninw sira tagama wa? [An ka Matiyu 7:12 kalan, ani an ka mɛnni kɛ a tigi fɛ.] Zurunali nin b’a yira ko Bibulu ka fɔta la, joo be bɛɛ fɛ ka kɛ ni danbe ye, waajibiko lo. Ani, bonya bena la o danbe kan loon dɔ.”

Réveillez-vous! Août

“Furakɛcogo ɲuman ka di an bɛɛ ye. Yala i b’a kala ma ko dɔgɔtɔrɔ caaman be sigasiga ka joli don mɔgɔw la bi wa? [An ka mɛnni kɛ a fɛ.] Zurunali nin b’a ɲɛfɔ mun na. A fana be tɛmɛ Bibulu fɛ k’a ɲɛfɔ fɛɛn min kama Ala be joli jati fɛɛn nafamanba ye.” An ka Levitike 17:11 kalan.