Zurunaliw yiracogo

The Watchtower October 1

“Mɔgɔ caaman limaniyalen tɛ Ala la tugun. E ka miiri la mun lo nana n’o ye? [Mɛnni kɛ a tigi fɛ.] A filɛ vɛrise nunu be min fɔ. [Habakuk 1:2, 3 kalan.] Barokun nin be ɲiningali dɔw jaabi mɔgɔw ka teli ka minw kɛ Ala koo la ani u b’a to u tɛ limaniya Ala la tugun.” O barokun yira a la ɲɛɛ 11nan kan.

Awake! October

“Yala i sɔnna a la ko gwɛlɛya caaman be denbayaw kan bi wa? [Mɛnni kɛ a tigi fɛ.] Mɔgɔ caaman t’a kala ma ko ladili nafamanw be Bibulu kɔnɔ. U la kelen filɛ. [Zurunali kɔnɔ vɛrise dɔ kalan.] Réveillez-vous ! kɛrɛnkɛrɛnnin nin b’a yira cogo min na Bibulu be se ka denbayaw dɛmɛ ka koo caaman ɲɛnabɔ.”

The Watchtower November 1

“E ka miiri la, yala egiliziw ka kalanw bɛɛ bɔra Bibulu kɔnɔ wa? [Mɛnni kɛ a tigi fɛ.] Bibulu b’an lasɔmi ko an kana a to ngalon kalan k’an lafili. [Kolosekaw 2:8 kalan.] Zurunali nin be kalan kɔrɔ-kɔrɔ wɔɔrɔ dɔw yira minw be Ala ka Kumakan kɛlɛ.”

Awake! November

“Selilɛri ani ɔridinatɛri kɛra mɔgɔ caaman ka baarakɛminanw ye bi. Yala o fɛɛrɛw b’a to an ka wagati sɔrɔ wa walima u b’an ka wagati tiɲɛ? [Mɛnni kɛ a tigi fɛ.] Mɔgɔ caaman bena sɔn ladili nin na min b’an jija an ka hakili sɔrɔ ka baara kɛ n’an ka wagati ye. [Efesekaw 5:15, 16 kalan.] Zurunali nin b’a yira cogo min na an be se ka hakili sɔrɔ ka baara kɛ k’a dama kɛɲɛ n’o fɛɛrɛ kuraw ye.”