Zurunaliw yiracogo

The Watchtower February 1

“An caaman be n’an ka diinan ye. E ka miiriya la, an b’a latigɛ ka Ala bato cogo min na, yala o kɔrɔtalen lo a ɲɛɛ kɔrɔ wa? [Mɛnni kɛ a tigi fɛ. O kɔ, Matiyu 15:9 kalan.] Zurunali nin be tiɲɛn diinan faan naani lajɛ i ko Yesu y’a yira cogo min na.” O barokun yira a la ɲɛɛ 16nan kan.

Awake! February

“Mɔgɔ dɔw lanen b’a la ko Danbaga be yen, nka dɔ wɛrɛw b’a jati k’o lannako ni lɔnniko tɛ bɛn ani ko a basiginen tɛ daliluw kan. E be mun miiri o koo la? [Mɛnni kɛ a tigi fɛ.] Bibulu ka fɔta la, limaniya sɔbɛ basiginen be daliluw lo kan. [Heburuw 11:1 kalan.] Dalilu minw b’a yira ko Danbaga be yen, zurunali nin be baro kɛ u dɔw kan.” O barokun yira a la ɲɛɛ 22nan kan.

The Watchtower March 1

“Yala i be Bibulu jati Ala ka Kuma ye wala i b’a miiri ko kitabu gwansan lo min ka ɲi dɔrɔn wa? [Mɛnni kɛ a tigi fɛ.] A filɛ Bibulu yɛrɛ be min fɔ. [2 Timote 3:16, 17 kalan.] Zurunali nin b’a yira an be se ka kɛ ni miiriya tilennen ye o koo la cogo min na ani fɛɛn kama o kɔrɔtalen lo.”

Awake! March

“I ko mɔgɔ caaman, n’a sɔrɔ danfɛnw cɛɲi filɛ ka di e fana ye. Yala e ma sɔn a la ko o fɛɛnw danna ni hakilitigiya ye wa? [Mɛnni kɛ a tigi fɛ. O kɔ, Zaburuw 104:24 kalan.] Zurunali nin be ɲɛyirali ɲuman dɔw ta danfɛn dɔw kan ani a b’a yira an be kalan min sɔrɔ o la.”