Yiracogo modɛliw

Bibulukalanw daminɛcogo zuwɛnkalo ka samedi fɔlɔ la

Esayi 42:8 kalan. O kɔ, a fɔ ko: “Bibulusen nin ka fɔta la, tɔgɔ be Ala la. E ka miiri la, yala a kɔrɔtanin lo an ka baara kɛ ni Ala tɔgɔ ye wa? [Mɛnni kɛ a tigi fɛ.] A filɛ min sɛbɛra yan.” Zuwɛn tile fɔlɔ ka La Tour de Garde di a tigi ma. A’ ye ɲiningali fɔlɔ ka jaabili kalan ɲɔgɔn fɛ ɲɛɛ 16nan kan. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.

The Watchtower June 1

“Ne b’a fɛ k’i ka miiriya lɔn koo sɔbɛ dɔ kan. [Zurunali yɛlɛ a ɲɛɛ 3nan kan, ani miiriya naani minw sɛbɛra ka tugutugu ɲɔgɔn kɔ, olu yira a la.] U la juman lo ye e ka miiriya ye? [Mɛnni kɛ a tigi fɛ.] A filɛ Bibulu be min fɔ a yɛrɛ koo la. [Romɛkaw 15:4 kalan.] Zurunali nin b’a yira fɛɛn duuru minw kama Bibulu ɲɔgɔn tɛ yen, ani a be se k’an nafa cogo min na.”

Awake! June

“Saan o saan, mɔgɔ miliyɔn caaman be bana duniɲa kɔnɔ sabu u ye fɛɛn dɔ dumu banakisɛw be min na. E ka miiriya la, yala an ka dumuni saniyanin lo wa? [Mɛnni kɛ a tigi fɛ.] Dumunifɛn minw man ɲi, an be se k’an ka denbaya tanga u ma cogo naani na. Zurunali nin b’o ɲɛfɔ. A b’a ɲɛfɔ fana ko yanni dɔɔni, bɛɛ bena dumuni ɲanaman caaman sɔrɔ i ko a fɔra Bibulu kɔnɔ cogo min na.” Zaburuw 104:14, 15 kalan.