Yiracogo modɛliw

Bibulukalanw daminɛcogo sɛtanburukalo ka samedi fɔlɔ la

“Mɔgɔ caaman lanin b’a la ko loon dɔ, Ala bena kiti tigɛ u kan ka kɛɲɛ n’u ka kɛtaw ye. E ka miiri la, mɔgɔ ka kan ka Ala ka kiti loon makɔnɔ ni ninsɔndiya ye wala ka siran a ɲɛ? [Mɛnni kɛ a tigi fɛ.] A filɛ min fɔra yan.” Sɛtanburu tile fɔlɔ ka La Tour de Garde di a tigi ma. A’ ye ɲiningali fɔlɔ ka jaabili kalan ɲɔgɔn fɛ ɲɛɛ 16nan kan. Vɛrise minw kofɔra yen, a’ ye u la kelen ɲɔgɔn kalan. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.

The Watchtower September 1

“Duniɲa yɔrɔ caaman na, u tɛ musow jati ani u b’u tɔɔrɔ. A fɔ man di, nka diinan dɔw ka kalan lo kɛra o koo sababu ye. E ka miiri la, yala Ala b’a janto musow la tiɲɛn na wa? [Mɛnni kɛ a tigi fɛ.] A filɛ Bibulu b’a fɔ cɛɛw ka kan k’u musow minɛ cogo min na. [Efesekaw 5:28, 29 kalan.] Bibulu b’a yira Ala be musow jati cogo min na. Zurunali nin b’o lo ɲɛfɔ.”

Awake! September

“Mɔgɔ caaman b’a fɔ ko loon dɔ, fɛɛn si tɛna to niin na dugukolo kan bɔnbu nikilɛri kɛlɛ wala balawoko dɔ kosɔn i n’a fɔ ni lolonin dɔ bɔra sankolo la ka na dugukolo gosi, ni yɔrɔ wusura wala n’a sumana kojugu. Mɔgɔw be min fɔ duniɲa laban koo la, e ka miiri la, sɔbɛko lo wala kuma gwansan dɔrɔn lo? [Mɛnni kɛ a tigi fɛ.] Layidu kuma dɔ filɛ Bibulu kɔnɔ min be mɔgɔ jigi tugu. [Zaburuw 37:29 kalan.] Mɔgɔw ka teli ka duniɲa laban koo lakali cogo minw na, zurunali nin b’o ɲɛfɔ. A b’a yira fana Bibulu be min fɔ tigitigi siniko la.”