Yiracogo modɛliw

Bibulukalanw daminɛcogo awirilikalo ka samedi fɔlɔ la

“An b’an sigiɲɔgɔnw jijara u ka Bibulu kalan. Nka, mɔgɔ caaman b’a miiri ko a man nɔgɔ ka Bibulu faamu. Aw be mun miiri o koo la? [Mɛnni kɛ a tigi fɛ.] A filɛ min sɛbɛra yan.” Awirilikalo tile fɔlɔ ka La Tour de Garde ɲɛɛ laban yira a tigi la. A’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.

The Watchtower April 1

“Gwɛlɛya be mɔgɔw bɛɛ kan. O kosɔn, dɔw b’u yɛrɛ ɲininga ni kuun be ɲɛnamaya la. E ka miiri la, koo fɔlɔ juman lo b’a to a ka gwɛlɛ ka hɛɛrɛ sɔrɔ? [Mɛnni kɛ a tigi fɛ.] Bibulu b’a fɔ ko yanni dɔɔni, Ala bena an ka gwɛlɛyaw bɛɛ ban. [Jirali 21:4 kalan.] Zurunali nin b’a yira Ala ye siniɲasigi min labɛn adamadenw ye. A fana b’a yira cogo min na an be se ka kuun sɔrɔ an ka ɲɛnamaya la kabini sisan yɛrɛ.”

Awake! April

“Duniɲa yɔrɔ bɛɛ la, fariyakow be kɛ denbayaw kɔnɔ. Dɔw b’a miiri ko mɔgɔ lamɔcogo ani ɲɛnagwɛko farimanw lo be dɔw lasun ka fariyakow kɛ u somɔgɔw la. E ka miiri la, koo jɔnjɔn juman lo b’a to fariyakow be kɛ denbayaw kɔnɔ? [Mɛnni kɛ a tigi fɛ.] Bibulu b’a yira cɛɛ n’a muso ka kan ka ɲɔgɔn minɛ cogo min na. [Efesekaw 5:33 kalan.] Zurunali nin b’a yira cogo min na Bibulu ka ladilikanw sira tagamani ye dɔw dɛmɛ u ma u ka furu sa.”