Yiracogo modɛliw

Bibulukalanw daminɛcogo zuwekalo ka samedi fɔlɔ la

“Bɛɛ b’a fɛ ka sii jan sɔrɔ hɛɛrɛ la. E ka miiriya la, lɔnnikɛlaw ni dɔgɔtɔrɔw bena se loon dɔ la k’an dɛmɛ ka ɲɛnamaya kɛ fɔɔ abada wa? [Mɛnni kɛ a tigi fɛ.] A filɛ min fɔra yan.” Zuwekalo tile fɔlɔ ka La Tour de Garde ɲɛɛ laban yira a tigi la. A’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.

A’ ye aw janto: Yiracogo nin ka kan ka kɛ waajulibaara lajɛn na zuwekalo tile 6nan na.

The Watchtower July 1

“An ye baro kɛ ni mɔgɔ minw ye, u caaman be diinan dɔ la. Nka u dɔw y’a fɔ ko olu lanin tɛ diinan si la tugun. E be mun miiri diinan koo la? [Mɛnni kɛ a tigi fɛ.] Yesu y’a yira cogo min na an be se ka diinan ɲuman faranfasi ka lɔn. [Luka 6:44a kalan.] Zurunali nin be diinanw ka kɛwale jugu dɔw yira. A fana be ɲiningali nin jaabi: ‘Diinan tigitigi dɔ be yen an be se ka la min na wa?’ ”

Awake! July

“An be baro kɛra koo dɔ kan min be mɔgɔw tɔɔrɔ. O ye tilenbaliya koo lo ye. Dɔw be muruti tilenbaliyakow kama. E ka miiriya la, murutili be se ka koo ɲɛ wa? [Mɛnni kɛ a tigi fɛ.] Fɛɛn min bena tilenbaliyakow ban pewu dugukolo kan, a filɛ Bibulu be min fɔ o koo la. [Matiyo 6:9, 10 kalan.] Zurunali nin be ɲiningali nin jaabi: ‘Murutili be se ka koo ɲɛ wa?’ ”

Kibaro diiman min bɔra Ala yɔrɔ

“An be baro kɛra ni denbayamɔgɔw ye i ka kiin kɔnɔ walisa k’u jija ni Bibulu kɔnɔ kuma dɔ ye. U caaman b’a fɛ k’a lɔn mun na kanutigi Ala b’a to tɔɔrɔ caaman be kɛ duniɲa kɔnɔ. E ka miiriya la, a daminɛ na, yala Ala tun b’a fɛ tɔɔrɔ ka kɛ dugukolo kan wa?” Mɛnni kɛ a tigi fɛ. Kitabunin yɛlɛ kalansen 5nan yɔrɔ la. A ye dakun fɔlɔ ni filanan kalan ka baro kɛ u kan. Vɛrise minw sɛbɛra ka jɛngɛ a’ y’u fana kalan. Kitabunin to a tigi fɛ. Ɲiningali nɔfɛta min sɛbɛra ka fin, labɛn kɛ ka segi ka na o jaabili lajɛ n’a tigi ye.