Yiracogo modɛliw
Ɲiningali minw be mɔgɔ dabali ban, olu jaabiliw be sɔrɔ min?
Sɛbɛnin yira i lamɛnnikɛla la cogo dɔ la walisa a ka se k’a barokun ye. O kɔ, a fɔ ko: “An be kanpaɲi dɔ kɛra duniɲa kuru bɛɛ kɔnɔ walisa ka sɛbɛnin dɔ jɛnsɛn min nafa ka bon kosɔbɛ. E ta ye nin ye.”
Minw tɛ yen u ka soo, n’i be sɛbɛnin to u ye, i k’a bila yɔrɔ min na tɛmɛbagaw ɲɛɛ tɛna kɛ a la ani i kana a kuru kuru gwansan.
Ni lamɛnnikɛla y’a mako don wala n’a b’a fɛ ka baro kɛ, ɲiningali min be sɛbɛ ɲɛɛ fɔlɔ la, a ɲini k’a tigi ka miiriya lɔn o koo la. Sɛbɛnin dayɛlɛ, ani Zaburuw 119:144, 160 ka kumaw yira a tigi la. A ɲɛfɔ a ye ko sɛbɛnin be kuma site Web dɔ koo la min be se k’a dɛmɛ ka jaabili ɲumanw sɔrɔ ka bɔ Bibulu kɔnɔ. I be se ka videwo nin yira a la: Mun na i ka ɲi ka bibulukalan kɛ? Sanni i ka taga, ɲiningali 3 minw be sɛbɛ kɔɔ kan, olu yira a la. A ɲini k’a lɔn ɲiningali juman lo ɲɛsinna a ka haminankow ma tigitigi. A fɔ a ye ko i bena segi ka na a yira a la jw.org kan cogo min na Bibulu b’o ɲiningali jaabi. N’i segira ka taga bɔ a ye, o ɲiningali jaabili yira a la yɔrɔ nin na: LA BIBLE ET VOUS > QUESTIONS BIBLIQUES.
N’aw be mɔgɔw weelela ka na mara ka lajɛnba la, i be se ka welelisɛbɛ fara sɛbɛnin kan k’u di ani k’a fɔ ko: “Ka fara sɛbɛnin nin kan, an b’i weele fana ka na lajɛnba dɔ la. Don sara t’a la.”
La Tour de Garde 1er août
Wikɛniw na, n’a bɛnnin lo, La Tour de Garde yira mɔgɔw la. A fɔ ko: “An b’a fɛ fana k’an ka zurunali kuraw d’i ma. La Tour de Garde nin be ɲiningali nin jaabi: Yala Ala b’a janto i la wa?”
Réveillez-vous ! Août
Wikɛniw na, n’a bɛnnin lo, Réveillez-vous ! yira mɔgɔw la. A fɔ ko: “An b’a fɛ fana k’an ka zurunali kuraw d’i ma. Réveillez-vous ! nin be ɲiningali nin jaabi: Mɔgɔw be se ka bɛɛn sigi cogo juman na?”