‘Fɛnɲumanw’ tilan ni tɔɔw ye i kɛtɔ ka sɔn ka lonanw bisimila i ka soo (Mat. 12:35a)

Siga t’a la, an bɛɛ b’a fɛ ka ‘fɛnɲumanw’ tilan ni tɔɔw ye an kɛtɔ ka sɔn ka lonanw bisimila an ka soo (Ɔrɔm. 12:13). Cii dira diinan mɔgɔkɔrɔw ma ko u ka kɛ ɲɛyirabagaw ye o koo la. U ka ɲi ka labɛn kɛ walisa kalankɛla lonanw ka taransipɔri ka sara ani dumuni ka di u ma. Nka, n’a sɔrɔ an be sigasiga ka lonanw weele ka na an ka soo sabu see bɛrɛ t’an ye wala o miiriya dama be hami bila an na. An bena see sɔrɔ o miiriya ɲɔgɔnw kan n’an be sɔn Yezu ka ladili la, a ye min di Marita ma (Luka 10:39-42, Bible senuma). A y’a yira ka gwɛ ko n’an ye lonanw weele ka na an ka soo, an be “niyɔrɔ ɲuman” min sɔrɔ o la, o tɛ ka dumuniba tobi wala k’an ka boon masiri koɲuman. Nka, o ye ka jɛnɲɔgɔnya kɛ n’an balimaw ye ani ka ɲɔgɔn jija. N’an be tugu o ladili kɔ, an bɛɛ bena se ka ‘fɛnɲumanw’ tilan n’an balimaw ye ka kɛɲɛ ni Ala ka Kuma ye.—3 Zan 5-8.