Yiracogo modɛliw
Welelisɛbɛ yiracogo kanpaɲi tuma na
“An nana i weele ka na kooba dɔ la min bena kɛ awirilikalo tile 3nan loon na. Mɔgɔ miliyɔn caaman bena lajɛn duniɲa kuru bɛɛ kɔnɔ walisa k’u hakili jigi Yezu Krista ka saya koo la. Kalan dɔ bena di k’a yira Yezu ka saya b’an nafa cogo min na. O kalan bena basigi Bibulu kan. Wariko t’a la. O lajɛn bena kɛ yɔrɔ min na ani lɛri min na, o bɛɛ sɛbɛra sɛbɛ nin kan.”
La Tour de Garde 1er mars
“Awirilikalo tile 3nan bena kɛ Yezu Krista ka saya sanyɛlɛma loon ye. An ka kiinmɔgɔ dɔw bena ɲɔgɔn lajɛn o loon na walisa k’u hakili jigi Yezu ka saya koo la. Nka, Yezu ka saya tɛ koo bɛrɛ ye dɔw fɛ. E be mun lo miiri o koo la? E ka miiri la, Yezu ka saya n’a kununi b’an nafa wa? [Mɛnni kɛ a tigi fɛ.] A filɛ Ala ka Kuma be min fɔ o koo la. [1 Korɛntikaw 15:22, 26, kalan.] Nafa min bena sɔrɔ Yezu ka kunmabɔ saraka la, o ye ko loon dɔ mɔgɔ si tɛna sa tugun. Zurunali nin be kuma o lo koo la.”
Réveillez-vous ! Mars
“An be zurunali kura nin yirala an sigiɲɔgɔnw na. [Réveillez-vous ! yira a tigi la.] Bɛɛ ka jaabili tɛ kelen ye ɲiningaliba nin koo la: ‘Yala Ala be yen wa?’ E ka miiriya la, mɔgɔ sifa jumanw lo be ni jigiya ɲuman ye siniɲasigi koo la: minw lanin be Ala la waa minw lanin tɛ a la? [Mɛnni kɛ a tigi fɛ.] Mɔgɔ caaman ye jigiya sɔrɔ Ala ka layidu nin barika la. [Zaburuw 37:10, 11, kalan.] Zurunali nin b’a yira koo naani minw kama an ka kan k’a ɲini k’a lɔn ni Ala be yen.”