Ka se ka mɔgɔw kalan koɲuman, fɔɔ an k’an yɛrɛ labɛn

Mɔgɔ fila ye Yezu ɲininga ɲɛnamaya banbali sɔrɔ cogo la. U fila bɛɛ ka ɲiningaliw tun ye kelen ye. Nka, Yezu y’u kelen kelen jaabi cogo dɔ la walisa k’a tigi mako wasa (Luka 10:25-28; 18:18-20). O kama, hali n’an be kalankɛ gafe kɔnɔkow lɔn ka ɲɛ, an ka kɔn ka kalan labɛn. Kalan labɛntɔ, an ka miiri kalanden koo la. A bena gwɛlɛya a ma ka mun lo faamu ani ka sɔn a la? An ka ɲi ka vɛrise jumanw lo kalan n’a ye? An ka ɲi k’a ɲini ka dakun joli lo lajɛ n’a ye? Walisa k’a dɛmɛ a ka kalan faamu, an be se ka ɲɛyirali, ɲɛfɔli wala ɲiningali dɔw labɛn. Jehova lo b’a kɛ tiɲɛn kisɛw be falen mɔgɔw dusukun na. O kama, an ka kan ka Jehova deli a ka kalanden duga, a k’an dɛmɛ ka kalan labɛn ka ɲɛ ani a ka kalanden dɛmɛ a ka ɲɛtaga kɛ Alako ta fan fɛ.—1 Kor. 3:6; Zaki 1:5.