NAFOLOFƐNW ALA KA KUMA KƆNƆ | ƐSITƐRI 6-10
Ɛsitɛri y’a yɛrɛ saraka Jehova ni a ka jama kosɔn
Édition imprimée
Ɛsitɛri y’a jaa gwɛlɛya k’a yɛrɛ saraka ka Jehova n’a ka mɔgɔw lafasa
8:3-5, 9
Ɛsitɛri ni Maridose niin bɔra farati la. Nka, Aman tun ye sariya min sigi ko Yahutuw bɛɛ ka faga, o bele be sen kan masaya yɔrɔ bɛɛ la.
Ɛsitɛri y’a niin bila farati la tugun ka don masacɛ fɛ k’a sɔrɔ a m’a weele. A kasira a siyamɔgɔw koo la ani a ye masacɛ deli ko a ka sariya jugu nin lasa.
Sariya minw sigira masacɛ tɔgɔ la, o tun tɛ se ka lasa. O kama, masacɛ ye see di Ɛsitɛri ni Maridose ma ko u ka sariya wɛrɛ sigi.
Jehova y’a kɛ a ka mɔgɔw ye see sɔrɔ kosɔbɛ u juguw kan
8:10-14, 17
U y’o sariya kura weleweleda ka sira di Yahutuw ma u k’u yɛrɛ lafasa.
Cidenw bilara ka taga masaya yɔrɔ bɛɛ la soow kan ani Yahutuw y’u yɛrɛ labɛn kɛlɛ kama.
Mɔgɔ caaman y’a ye ko Ala tun be ni Yahutuw ye ani u tuubira ka don Yahutu diinan na.