Yala i be baara kɛ ni JW Library ye wa?

JW Library ye porogramu dɔ ye. A be sɔrɔ gwansan. A be se k’i dɛmɛ ka Bibulu, videwow, fɛɛn lamɛntaw ani gafe wɛrɛw telesarse ka don i ka telefɔni, tablɛti wala ɔridinatɛri kɔnɔ.

A SƆRƆCOGO: JW Library ɲini ɛntɛrɛnɛti kan ani a telesarse ka don i ka telefɔni, tablɛti wala ɔridinatɛri kɔnɔ. N’i b’a fɛ ka fɛɛn dɔw telesarse, taga ɛntɛrɛnɛti kan. JW Library dayɛlɛ i ka tablɛti wala telefɔni kɔnɔ, ani o fɛɛnw sugandi. Ni ɛntɛrɛnɛti t’i fɛ soo, i k’a filɛ Masaya Boon na, forobayɔrɔ dɔ la wala sibɛrkafe dɔ la. N’i ye gafew telesarse ka ban, i mako tɛ ɛntɛrɛnɛti la tugun walisa ka se k’u lajɛ. Nka komi fɛɛn kuraw be to ka bɔ JW Library kan, i ka ɲi ka taga ɛntɛrɛnɛti kan tuma dɔw la walisa k’u telesarse.

A NAFA YE MUN YE? JW Library sababu la, a ka nɔgɔ kosɔbɛ ka kelenna kalan kɛ ani ka tugu kalankɛla kɔ lajɛnw na. Nafa b’a la ka baara kɛ n’a ye waajuli la fana sanko n’i be waajuli kɛra sababu dɔ sen fɛ.