Bibulukalan kɛtɔ, i yɛrɛ kɔrɔsi jaan nunu ma

Ka kuma caaman: Kan’a miiri ko i ka ɲi ka fɛɛn bɛɛ ɲɛfɔ. Yezu ye ɲiningaliw kɛ walisa ka mɔgɔw dɛmɛ u ka miiri ani ka jaabili ɲumanw sɔrɔ (Mat. 17:24-27). Ɲiningaliw b’a to kalan be diya ani u b’i dɛmɛ k’a lɔn kalanden be min faamu ani a ka lannakow ye min ye (be-F 253 § 3-4). N’i ye ɲiningali kɛ, i ka muɲu ka kalanden ka jaabili kɔnɔ. N’a ma jaabili ɲuman di, sanni ele k’o ɲiningali jaabi, ɲiningali wɛrɛw kɛ walisa k’a dɛmɛ a ka jaabili ɲuman sɔrɔ (be-F 238 § 1-2). Kuma cogo dɔ la walisa kalanden ka se ka hakilinata kuraw faamu.—be 230 § 4.

Ka kalan gwɛlɛya: I be min bɛɛ lɔn o barokun koo la, kan’a ɲini k’o bɛɛ fɔ kalanden ye (Zan 16:12). Sinsin dakun ka miiriya jɔnjɔn kan (be-F 226 § 4-5). Hali ni hakilinata misɛnw ka ɲi, u be se ka kalanden bali ka hakilinata jɔnjɔnw faamu (be-F 235 § 3). Ni kalanden ye hakilinata jɔnjɔn faamu, a’ ye dakun nɔfɛta lajɛ.

Ka kalan kɛ wasa wasa: An ka laɲinita tɛ ka kalan kɛ wasa wasa. Nka, an b’a fɛ ka kalanden dusukun lo sɔrɔ (Luka 24:32). Sinsin vɛrise jɔnjɔnw kan. O la, i ben’a to Ala ka Kuma fanga ka baara kɛ (2 Kor. 10:4; Eburuw 4:12; be-F 144 § 1-3). Baara kɛ ni ɲɛyirali nɔgɔmanw ye (be-F 245 § 2-4). I janto kalanden ka lannakow n’a ka gwɛlɛyaw la ani kalan kɛ ka kɛɲɛ n’a ka koow cogoya ye. Ɲiningali nunu ɲɔgɔn kɛ: “I be min kalanna, i be mun miiri o koo la?” “O be mun lo yira an na Jehova koo la?” “I be nafa juman lo sɔrɔ n’i b’o ladiliw sira tagama?”—be-F 238 § 3-5; 259 § 2.