Nili kɛ Jehova ye

An be se ka ‘sɔn bii k’an bololafɛn di [Jehova] ma’ cogo di? (1 Til. Kib. 29:5, 9, 14). I be se ka nili kɛ cogo minw na walisa ka dɛmɛ don Jehova Seerew ka baara la kafo kɔnɔ wala duniɲa kuru bɛɛ kɔnɔ, u ye nin ye:

KA NILI KƐ ƐNTƐRƐNƐTI SABABU FƐ WALA KA WARI DON NILI BUWATIW KƆNƆ:

• 

  BAARA MIN BE KƐ DUNIƝA KURU BƐƐ KƆNƆ

  betɛli boonw ani birow lɔli baara

  Masaya cidenya baara lakɔliw

  kudayi cidenya baarakɛlaw

  balawo ye minw sɔrɔ

  ka sɛbɛw dilan, ka videwow kɛ ani ka gafew ni videwow bɔ ɛntɛrɛnɛti kan

• 

  KAFO KA MUSAKAW

  kafo ka musakaw: o be se ka kɛ musaka jɔnjɔnw wala Masaya Boon ladonko ye

  kafodenw ye ŋaniya ta ka wari daa min ci Betɛli ma koo nunu kama:

  • Masaya Boonw ani lajɛnba kɛyɔrɔw lɔli baara duniɲa kuru bɛɛ kɔnɔ

  • labɛn minw be kɛ ka dɛmɛ don duniɲa kuru bɛɛ kɔnɔ

  • baara wɛrɛ minw be kɛ duniɲa kuru bɛɛ kɔnɔ

LAJƐNBAW

Nili minw be kɛ tile saba lajɛnbaw la, u be ci betɛli ma walisa ka dɛmɛ don duniɲa kuru bɛɛ waajuli baara la. Faan wɛrɛ fɛ, nili minw be kɛ duniɲa kuru bɛɛ waajulibaara kama, betɛli be wari bɔ o yɔrɔ la k’a ci walisa ka lajɛnba nunu ka musakaw sara: tile saba lajɛnbaw, lajɛnba kɛrɛnkɛrɛnninw ani lajɛnba minw labɛnna jamana caaman kama.

Nili minw be kɛ kafokulu ka lajɛnbaw la, u b’u ta ka lajɛnba kɛyɔrɔw sara, k’u ladon ani ka kafokulu ka musaka wɛrɛw sara. Ni musakaw bɛɛ sarala ka ban ani wari dɔ tora, kafokulu dɔw be se k’a latigɛ k’o wari tɔɔ ci walisa ka dɛmɛ don Jehova Seerew ka waajuli baara la duniɲa kuru bɛɛ kɔnɔ.