A’ y’aw jogo kɔrɔw bɛɛ dabila ka jogo kuraw ta

3:5-14

Tuma min na i kɛra Jehova Seere ye, yala i ye jijaliba kɛ k’i sɔɔn yɛlɛma wa? La a la k’o diyara Jehova ye (Ezek. 33:11). Nka, to ka jijaliw kɛ hali bi walisa jogo kɔrɔw kana segi ka na i ka jogo kuraw tunu. Ɲiningali nunu jaabi walisa k’a filɛ i ka ɲi ka min fisaya i ka jogow la:

• Ni dɔ donna n’ gasi la, yala n’ be dimi mara n’ kɔnɔ wa?

• Yala n’ be muɲuli kɛ hali ni n’ kɔrɔtɔnin lo wala ni n’ sɛgɛnnin lo wa?

• Ni kakalaya miiriya nana n’ hakili la, yala n’ b’o bɔ joona joona wa?

• Yala n’ be ni miiriya bɛnbaliw ye mɔgɔ dɔw koo la u bɔyɔrɔ wala u siya kosɔn wa?

• Yala n’ ye kuma jugu fɔ dɔ ma a ma mɛɛn wala n’ ma se ka n’ yɛrɛ minɛ dimi bolo koo dɔ kosɔn wa?