Kanpaɲi kɛrɛnkɛrɛnnin novanburukalo la, walisa ka Ala ka Masaya kofɔ

Yezu ye “Ala ka masaya kibaru diman fɔ” mɔgɔw ye (Luka 4:43). A y’a yira u la fana k’u ka ɲi ka delili kɛ o Masaya koo la (Mat. 6:9, 10). Novanburukalo la, an bena an jija sɔbɛ la ka Ala ka Masaya kofɔ mɔgɔw ye (Mat. 24:14). Porogramu kɛ walisa ka se k’i seen don bɛrɛbɛrɛ o kanpaɲi na. Piyɔniye kɔrɔsigiw be se k’a latigɛ ka lɛri 30 wala 50 kɛ waajuli la o kalo la.

A ɲini ka bibulusenw kalan Ala ka Masaya koo la mɔgɔ caaman ye. N’i be bibulusen dɔ sugandira, i lamɛnbagaw be diinan minw na, i janto o la. Ɲɔgɔnyeko fɔlɔ tuma na, ni dɔ y’a mako don baro la, saan 2020 ka Kɔrɔsili Sangaso N° 2nan di a ma. O kɔ, i seko kɛ ka segi ka taga bɔ a tigi ye joona joona ani a ɲini ka bibulukalan daminɛ n’a ye an ka kalankɛ gafe dɔ kɔnɔ. Yanni dɔɔni, Ala ka Masaya bena adamadenw ka gofɛrɛnɛmanw bɛɛ halaki (Dan. 2:44; 1 Kor. 15:24, 25). O kama, an ka tɛmɛ o kanpaɲi kɛrɛnkɛrɛnnin nin fɛ k’a yira ko an kolonin lo Jehova n’a ka Masaya ye!