I sera yɔrɔ juman lo la batɛmu sira kan?
KERECƐNW KA ƝƐNAMAYA
A latigɛ ka Jehova bato
N’i ye kanbele wala sunguru ye, wala n’i be bibulukalan kɛra ni Jehova Seerew ye, yala i ka laɲinita ye ka batize wa? Mun na i ka ɲi k’a ɲini ka batize? Jɛnɲɔgɔnya kɛrɛnkɛrɛnnin min be an ni Jehova cɛ, o lo b’an lasun k’an yɛrɛkun di a ma ani ka batize (Zab. 91:1). O be se k’a to fana an be kisi (1 Piyɛri 3:21). I be se k’o laɲinitaw dafa cogo di?
Sɛgɛsɛgɛri kɛ i yɛrɛ ma ka la a la ko i be tiɲɛn sira lo kan. Ni ɲiningali dɔ nana i hakili la, sɛgɛsɛgɛri kɛ i yɛrɛ ma o koo la (Ɔrɔm. 12:2). Miiri k’a filɛ i ka ɲi ka yɛlɛmani minw kɛ ani a ɲini k’o yɛlɛmaniw kɛ sabu i b’a fɛ k’i koo diya Jehova ye le (Talenw 27:11; Efɛz. 4:23, 24). A deli tuma bɛɛ a k’i dɛmɛ. La a la ko Jehova bena i barika bonya ani a bena i dɛmɛ n’a ka hakili senu barikaman ye (1 Piyɛri 5:10, 11). I k’a lɔn ko i be jijali minw kɛra, kuun b’o la. Ka Jehova bato, o ye ɲɛnamaya kɛcogo ye min ɲɔgɔn tɛ yen!—Zab. 16:11.
VIDEWO NIN FILƐ: BATƐMU SIRA. O KƆ, ƝININGALI NUNU JAABI:
Dɔw ye see sɔrɔ gwɛlɛya jumanw lo kan walisa ka se ka batize?
I be se k’i ka limaniya barika bonya cogo di walisa ka se k’i yɛrɛkun di Jehova ma?
Mun lo ye dɔw lasun ka saratiw dafa walisa ka batize?
Minw b’a latigɛ ka Jehova bato, olu be duga jumanw lo sɔrɔ?
Yɛrɛkundili ni batɛmu kɔrɔ ko di?