NAFOLOFƐNW ALA KA KUMA KƆNƆ

Jehova ka sariyaw tilennin lo, u be mɔgɔ kɛ hakilitigi ye

N’an be Ala ka sariyaw sira tagama, an b’a yira ko an ye hakilitigi ye ani ko an be koow faamu (Deter. 4:6; it-1-F 1199 § 2).

Mɔgɔ minw b’an ka kɛwalew kɔrɔsi, u caaman sɔnnin b’a ma ko ka Ala ka sariyaw sira tagama, o ye hakilitigiyako lo ye (Deter. 4:6; it-2-F 799 § 6).

Jehova sagokɛlaw ka ɲɛnamaya kɛcogo ka fisa ni duniɲamɔgɔw ta ye fɔɔ ka taga ka na (Deter. 4:7, 8; w07-F 8/1 29 § 13).

Ni mɔgɔw b’a kɔrɔsi ko minw be Ala ka sariyaw n’a ka sariyakolow sira tagama, olu be ni tagamacogo ɲuman ye, o b’u caaman lasun u k’u magwɛrɛ Jehova ka ɔriganisasiyɔn na.

Balimacɛ dɔ be waajuli kɛra ni wotoro ye kafe feereyɔrɔ dɔ la ani a y’a kɔrɔsi ko cɛɛ dɔ ka pɔrtifiye bɔra ka ben.

O balimacɛ ye cɛɛ ka pɔrtifiye ta ka d’a ma ani muso dɔ siginin be kafe feereyɔrɔ la n’a b’u filɛra.

I ye duga jumanw lo sɔrɔ sabu i be to ka Jehova ka cikanw sira tagama?