NAFOLOFƐNW ALA KA KUMA KƆNƆ

Yala i be koow kɛ ni jagwɛlɛya ye i ko Aza wa?

Aza ye tiɲɛn batoli lafasa ni jagwɛlɛya ye (1 Mas. 15:11, 12; w12-F 8/15 8 § 4).

Aza y’a jaa gwɛlɛya k’a yira ko Jehova batoliko lo kɔrɔtanin lo kosɔbɛ ale fɛ ka tɛmɛ jɛnɲɔgɔnya min be ale n’a somɔgɔw cɛ (1 Mas. 15:13; w17.03 19 § 7).

Aza ka filiw bɛɛ n’a ta, Jehova y’a jati mɔgɔ kantigi ye a ka jogo ɲumanw kosɔn (1 Mas. 15:14, 23; it-1-F 194-195).

Dencɛman dɔ y’a ka valizi ta n’a be bɔra soo. A bamuso n’a dɔgɔmuso be kasira ani facɛman melekera u la.

I YƐRƐ ƝININGA KO: “Yala n’ b’a yira ko n’ kisɛyanin lo tiɲɛn batolikow la wa? Ni mɔgɔ dɔ y’a kɔɔ di Jehova ma, hali ni n’ somɔgɔ dɔ lo, yala n’ be n’ mabɔ o tigi la wa?”—2 Zan 9, 10.