Laɲinitaw latigɛ Krista saya Hakilijigi wagati kama

Saan bɛɛ, Jehova sagokɛlaw kɔrɔtɔnin lo ka Krista ka saya Hakilijigi lajɛn kɛ ɲɔgɔn fɛ. Lɔgɔkun minw be kɔn Hakilijigi lajɛn ɲɛ wala o kɔ, an be sabu kɛrɛnkɛrɛnninw ɲini ka Jehova tando ani k’a waleɲumanlɔn Yezu ka kunmabɔsara kosɔn (Efɛz. 1:3, 7). Misali la, an b’an jija kosɔbɛ ka mɔgɔw weele ka na Hakilijigi lajɛn na. Marisikalo wala awirilikalo la, dɔw be labɛnw kɛ walisa ka kɛ piyɔniye kɔrɔsigi ye. U be se k’a latigɛ ka lɛri 30 wala 50 kɛ waajuli baara la. A bena diya i ye ka dɔ fara i ka waajuli baara kan Krista ka saya Hakilijigi wagati la wa? Mun lo be se k’i dɛmɛ k’o kɛ?

Tuma caaman na, an be se ka caaman kɛ n’an be kɔn k’an yɛrɛ labɛn o kama (Talenw 21:5). Komi Krista saya Hakilijigi wagati be surunyana, sisan lo an ka ɲi k’a daminɛ ka labɛnw kɛ. Miiri k’a filɛ i b’a fɛ ka dɔ fara i ka waajuli baara kan cogo min na Krista saya Hakilijigi wagati la ani i ka ɲi ka min kɛ walisa k’i ka laɲinitaw dafa. O kɔ, Jehova deli a k’i duga i ka jijaliw kosɔn.—1 Zan 5:14, 15.

Mun na i tɛ miiri k’a filɛ i be se ka dɔ fara i ka waajuli baara kan cogo min na Krista ka saya Hakilijigi wagati la?