Kanbelew ni sunguruw dɛmɛ u ka ninsɔndiya sɔrɔ Jehova ka baara la

Dawuda tun b’a lɔn ko Solomani tun bena se ka Alabatoso lɔli baaraw ɲɛminɛ Jehova ka dɛmɛ barika lo la (1 Til. Kib. 22:5; w17.01 29 § 8).

Dawuda ye Solomani jija ko a k’a jigi la Jehova kan ani k’a seko bɛɛ kɛ o baara la (1 Til. Kib. 22:11-13).

Dawuda y’a seko bɛɛ kɛ ka Solomani dɛmɛ (1 Til. Kib. 22:14-16; w17.01 29 § 7; jaa lajɛ, ɲɛɛ fɔlɔ kan).

Jaa fɔlo: Diinan mɔgɔkɔrɔ dɔ be fɔrɔmasɔn dira balimacɛ kanbele dɔ ma kafo kiinw ka kartiw koo la. O diinan mɔgɔkɔrɔ be kafo ka kiinw yirala o balimacɛ la kartiba dɔ kan ani karti dennin dɔw kan. Jaa 2nan: O balimacɛ b’a ɲɛfɔra balimacɛ wɛrɛ ye cogo min na u be baara kɛ ni kafo kiinw ka kartiw ye.

I YƐRƐ ƝININGA KO: “Kanbelew ni sunguru minw be n’ ka kafo kɔnɔ, n’ be se k’u dɛmɛ cogo di u ka ninsɔndiya sɔrɔ Jehova ka baara la?”—w18.03 11-12 § 14-15.