KERECƐNW KA ƝƐNAMAYA

Jehova ka kanuya kantigiman ladegi

Jehova ka ɲɛyirali ɲɔgɔn tɛ yen kanuya kantigiman koo la (Zab. 103:11). O kanuya tɛ wagati dɔɔni koo ye wala kanuya min barika be dɔgɔya joona joona. Kanuya kantigiman ye kanuya sɔbɛ ye min be mɛɛn. Jehova y’o jogo yira Israɛldenw na cogoya caaman na. A y’u hɔɔrɔnya ka bɔ jɔnya la Ezipiti jamana na ani a tagara n’u ye layidu jamana na (Zab. 105:42-44). A ye kɛlɛ kɛ u ye ani ka yafa u ka jurumuw na siɲɛ caaman na (Zab. 107:19, 20 N’an be wagati ta ka miiri Jehova ka “koɲumanw” [wala a ka kanuya kantiman] koo la, o b’an lasun k’a ladegi.—Zab. 107:43.

Jaaw: Jaa dɔw minw bɔra videwo nin na: “Jehova b’a ka kanuya kantigiman yira cogo min na, i janto o la kosɔbɛ.” Jaa fɔlɔ: Balimacɛ Capra ni balimacɛ wɛrɛ tagara bɔ balimamuso dɔ ye a ka soo. Jaa 2nan: Balimacɛ Capra ni balimacɛ wɛrɛw be kaso la ɲɔgɔn fɛ. A be dumuni dira balimacɛ dɔ ma min man kɛnɛ ani a lanin lo dilan kan.

VIDEWO NIN FILƐ: JEHOVA B’A KA KANUYA KANTIGIMAN YIRA COGO MIN NA, I JANTO O LA KOSƆBƐ. O KƆ, ƝININGALI NUNU JAABI:

An be se k’an ka kanuya kantigiman yira cogo di?

Your answer
Walisa k’an ka kanuya kantigiman yira tɔɔw la, mun na o tɛ ɲɛ jijalibaw kɔ?

Your answer