KERECƐNW KA ƝƐNAMAYA
I jigi la Jehova kan ni dɔ b’i niin tɔɔrɔla
Niintɔɔrɔlaw be se k’an mandimi wala k’an dusu kasi. U be se k’an ka Alakow nagasi n’a sɔrɔla k’u b’an kɛlɛ an ka batolikow kosɔn ani an be siran u ɲɛ. I be se k’i yɛrɛ latanga niintɔɔrɔlaw ma cogo di?
Jehova sagokɛla caaman sera niintɔɔrɔlaw kɔrɔ u kɛtɔ k’u jigi la Jehova kan (Zab. 18:18). Misali la, Ɛsitɛri kumana walisa ka niintɔɔrɔla Aman ka nanbarakow bɔ kɛnɛ kan (Ɛsit. 7:1-6). A kɔnna ka sun don fɔlɔ k’a yira ko a jigi lanin be Jehova lo kan (Ɛsit. 4:14-16). Ɛsitɛri ye min kɛ, Jehova y’a duga o kosɔn ani a y’ale n’a ka mɔgɔw latanga.
Kanbelew ni sunguruw, ni mɔgɔ dɔ b’aw niin tɔɔrɔla, aw ye dɛmɛ ɲini Jehova fɛ ani aw ye kuma o gwɛlɛya koo la ni mɔgɔkɔrɔba kolɔnbaga dɔ ye wala n’aw bangebagaw ye. Aw be se ka la a la ko Jehova be se k’aw dɛmɛ i ko a ye Ɛsitɛri dɛmɛ cogo min na. Aw be se ka koo wɛrɛ juman lo kɛ walisa ka see sɔrɔ aw tɔɔrɔbagaw kan?
VIDEWO NIN FILƐ: N’ KA KANBELEYA WALA SUNGURUYA TUMA NA: N’ BE SE KA SEE SƆRƆ NIIN TƆƆRƆBAGAW KAN COGO DI? O KƆ, ƝININGALI NUNU JAABI:
Kanbelew ni sunguruw be se ka kalan jumanw lo sɔrɔ Charlie ni Ferin ka koo la?
Ka kɛɲɛ ni Charlie ni Ferin ka fɔtaw ye, bangebagaw be se k’u deenw dɛmɛ cogo di ka see sɔrɔ u tɔɔrɔbagaw kan?