Tilenbaliyakow muɲu

Zɛnɛzi 37:23-28; 39:17-23 kalan walisa k’a lɔn Yusufu ye tilenbaliyakow muɲu cogo min na ani a filɛ i be se k’a ladegi cogo min na.

Koo minw kɛra ka kɔn o maana ɲɛ ani o kɔ, olu sɛgɛsɛgɛ. Mun na mɔgɔ dɔw ye tilenbaliyakow kɛ Yusufu la? (Zɛnɛzi 37:3-11; 39:1, 6-10). A y’o tilenbaliyakow muɲu fɔɔ tuma juman? (Zɛnɛzi 37:2; 41:46). O wagati la, Jehova ye mun lo kɛ Yusufu ye? Nka a ma mun lo kɛ?—Zɛnɛzi 39:2, 21; w23.01 18 § 13.

A ɲini ka dɔ lɔn tugun. Tuma min na Potifar muso ye ngalon tigɛ ka la Yusufu kan, Bibulu t’a fɔ ko Yusufu y’a yɛrɛ lafasa. Vɛrise nunu b’an dɛmɛ cogo di ka miiri koo nunu na: N’a sɔrɔ mun na Yusufu ma foyi fɔ? Wala mun na an man ɲi k’a jati ko Bibulu ye o koow bɛɛ fɔ an ye k’u pereperelatigɛ? (Talenw 20:2; Zan 21:25; Kɛw. 21:37). N’a sɔrɔ jogo jumanw lo ye Yusufu dɛmɛ ka tilenbaliyakow muɲu?—Mise 7:7; Luka 14:11; Zaki 1:2, 3.

A ɲini ka kalanw sɔrɔ o koo la. I yɛrɛ ɲininga ko:

• “N’ ye Yezu ka kalanden dɔ ye minkɛ, mɔgɔw be se ka tilenbaliyako juman lo kɛ n’ na?” (Luka 21:12, 16, 17; Eburuw 10:33, 34).

• “N’ be se ka n’ yɛrɛ labɛn cogo di walisa ka tilenbaliyakow muɲu?” (Zab. 62:8, 9; 105:17-19; w19.07 2-7)