Walisa ka to ɲɛɛ na, to ka Bibulu sɛgɛsɛgɛ koɲuman

Daniyɛli 9:1-19 kalan walisa k’a faamu fɛɛn min kama a kɔrɔtanin lo an ka to ka Bibulu sɛgɛsɛgɛ koɲuman.

Koo minw kɛra ka kɔn o maana ɲɛ ani o kɔ, olu sɛgɛsɛgɛ. Koo jumanw lo kɛra dɔɔni ka kɔn o ɲɛ ani o ye nɔɔ juman lo to Daniyɛli kan? (Dan. 5:29–6:6). O tun bena mun lo kɛ i la n’i tun be Daniyɛli nɔɔ na?

A ɲini ka dɔ lɔn tugun. N’a sɔrɔ Daniyɛli ye ‘kitabu’ jumanw lo lajɛ? (Dan. 9:2; w11-F 1/1 22 § 2). Mun na Daniyɛli y’a ka jurumuw ani a ka siya taw kofɔ Jehova ye? (Lev. 26:39-42; 1 Mas. 8:46-50; dp-F 182-184). Daniyɛli ka delili b’a yira cogo di ko a tun be Ala ka Kuma sɛgɛsɛgɛ koɲuman?—Dan. 9:11-13.

A ɲini ka kalanw sɔrɔ o koo la. I yɛrɛ ɲininga ko:

• “N’ be se ka mun lo kɛ walisa duniɲa ka koow kana n’ hakili ɲagami?” (Mise 7:7).

• “Ni n’ be Ala ka Kuma sɛgɛsɛgɛ koɲuman i ko Daniyɛli, o bena n’ nafa cogo di?” (w04-F 8/1 12 § 17).

• “N’ be se ka sɛgɛsɛgɛri kɛ koo jumanw lo kan walisa ‘n’ labɛnnin ka to’?” (Mat. 24:42, 44; w12-F 8/15 5 § 7-8).