Calendrier 2011 be sinsin gwa kɔnɔ batoli koo kan

Calendrier 2011 des Témoins de Jéhovah ka barokun ye gwa kɔnɔ batoli ye. O kalandiriye be bi tilew ani Bibulu sɛbɛwagati ka denbaya dɔw yira. A fana be Jehova sagokɛla dɔw yira, minw furula ani minw ma furu, u be Ala ka Kuma kalanna.

Bibulu sɛbɛwagati ka mɔgɔ minw yirala o kalandiriye kan, Jehova ka sariya koo tun ka di olu ye. O lo y’u dɛmɛ kosɔbɛ ka gwɛlɛyaba dɔw kɛlɛ (Zab. 1:2, 3). An ka denbaya ka bon wala a ka dɔgɔ wo, denbaya mɔgɔw bɛɛ be Jehova bato wala u dɔw t’a bato wo, n’an be kalandiriye ka jaa kelen kelen lajɛ, o bena an hakili jigi ko gwa kɔnɔ batoli koo kɔrɔtalen lo. U ye yɔrɔ dɔ to aw ye kalandiriye kan walisa aw ka se ka aw ka gwa kɔnɔ batoli loon sɛbɛ. Yala aw ye o loon sɛbɛ wa?