Baara kɛcogo ni Ala ka Kuma ye waajuli la
1. Mun lo be se k’an dɛmɛ ka baara kɛ ni Ala ka Kuma ye waajuli la?
1 An ka gafew be se k’an dɛmɛ ka baara kɛ ni Ala ka Kuma ye waajuli la. Vɛrise bɛnnin dɔw be sɔrɔ u kɔnɔ minw be se ka tiɲɛn nege don mɔgɔw la. An k’a filɛ cogo min na kitabunin Kibaro diiman be se k’an dɛmɛ k’o vɛrisew sɔrɔ.
2. An be se ka baara kɛ cogo di ni barokun 8nan ye waajuli la?
2 Vɛrise minw be barokun 8nan kɔnɔ, i be se ka basigi olu kan. I be se k’a fɔ ko: “Mɔgɔ caaman b’u yɛrɛ ɲininga ko: ‘Mun na Ala b’a to kojugu ni tɔɔrɔkow ka kɛ?’ [Kiin dɔw kɔnɔ, a ka fisa an k’o ɲiningali yira a tigi la kitabunin yɛrɛ kɔnɔ.] E be mun lo miiri o koo la? [Mɛnni kɛ a tigi fɛ.] Bibulu b’o ɲiningali jaabi koɲuman.” Vɛrise minw kofɔra o barokun kɔnɔ, i k’u la kelen wala damanin kalan Bibulu yɛrɛ kɔnɔ ani ka baro kɛ u kan. N’a tigi y’a mako don, i be se k’a fɔ a ye ko n’a b’a fɛ, i bena na o barokun lajɛ n’a ye.
3. Yɔrɔ minw na mɔgɔw tɛ kerecɛnw ye, an be se ka baara kɛ cogo di ni barokun 9nan ye walisa ka baro daminɛ?
3 Kiin dɔw kɔnɔ, mɔgɔw tɛ kerecɛnw ye. N’an be waajuli kɛra yen, barokun 9nan ka ɲiningali 2nan be se k’an dɛmɛ kosɔbɛ. An be se k’a fɔ ko: “An be bɔra mɔgɔw ye walisa k’u dɛmɛ denbayako ta fan fɛ. I m’a kɔrɔsi ko gwɛlɛya caaman be denbayaw kan bi wa? [Mɛnni kɛ a tigi fɛ.] Ladili ɲuman nin ye furuɲɔgɔnma caaman dɛmɛ: “Musow. . . k’u ka cɛɛw boɲa.” [Waajibi tɛ k’a fɔ k’o kumaw bɔra Efɛzikaw 5:33 kɔnɔ. Nka n’i be kumana muso lo fɛ, i be se ka Efɛzikaw 5:28 ka kumaw fɔ a ye.] E ka miiri la, yala o ladiliw sira tagamani be se ka na ni hɛɛrɛ ye furu kɔnɔ wa?”
4. Mɔgɔ minw tɛ kerecɛnw ye, i be se ka mun lo kɛ olu ye i ka baro laban na?
4 Sanni i ka bɔ a tigi kɔrɔ, labɛn kɛ walisa ka taga ɲɛ ni baro ye siɲɛ wɛrɛ. Aw ye barokun min lajɛ, i be se k’a latigɛ ka baro kɛ ale ka vɛrise wɛrɛ kan siɲɛ wɛrɛ. Wagati bɛnnin na, i k’a to a tigi k’a lɔn ko i ye ladili ɲuman minw bɛɛ di a ma, u be bɔ Bibulu lo kɔnɔ. I ye baro minw kɛ n’a tigi ye, ani ale yɛrɛ be Bibulu jati cogo min na, basigi o kan ka gafe dɔ ɲini min be se ka diya a ye ani o di a ma.—An ka Masaya Cidenyabaara ɲɛɛ 4-6nan lajɛ (saan 2013, desanburu ta).