Ala ka kalan ye see sɔrɔ ɲɔgɔn woloma kan

Jehova tɛ mɔgɔ bɔ mɔgɔ la (Kɛw. 10:34, 35). A be sɔn ‘jamana bɛɛ mɔgɔw, ni siya bɛɛ’ mɔgɔw la ( Yir. 7:9). O cogo la, ɲɔgɔn woloma man kan ka kɛ kerecɛn kafo kɔnɔ (Zaki 2:1-4). Jehova ka kalan kosɔn an be alijɛnɛ diya bɔra Alako ta fan fɛ. Ani an y’a ye ko mɔgɔw b’u jogow yɛlɛmana (Ezayi 11:6-9). N’an banbara yɛrɛ le ka ɲɔgɔn woloma miiriya sugu bɛɛ bɔ an dusukun na, an b’a yira o cogo la ko an ye Ala ladegibagaw ye.—Efɛz. 5:1, 2

VIDEWO NIN FILƐ: JOHNY ANI GIDEON: U TUN YE JUGUW YE, NKA BI U YE BALIMAW YE. O KƆ, ƝININGALI NUNU JAABI:

• Adamadenw be jijali min kɛ walisa ka sigasiga miiriya ni ɲɔgɔn woloma kɛlɛ, mun na Ala ka kalan tɛmɛna o kan?

• An ka jɛnkulu min be duniɲa kuru bɛɛ kɔnɔ, mun lo b’i kabakoya o koo la?

• N’an kanbɛnnin lo kerecɛnya la, o be nɔɔrɔ la Jehova kan cogo di?