Watchtower ka BIBLOTƐKI ƐNTƐRƐNƐTI KAN
Watchtower ka
BIBLOTƐKI ƐNTƐRƐNƐTI KAN
Jula
ɲ,ŋ,ɛ,ɔ
  • ɲ
  • ŋ
  • ɛ
  • ɔ
  • BIBULU
  • GAFEW
  • LAJƐNW
  • jy sap. 9 ɲɛɛ 26-ɲɛɛ 27 dakun 1
  • Yezu lamɔna Nazarɛti dugu la

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Yezu lamɔna Nazarɛti dugu la
  • Yezu: Ale lo ye sira, tiɲɛn ani ɲɛnamaya ye
  • A ɲɔgɔnnaw
  • Gwatigi ɲuman tun lo min limaniyanin lo
    U Ka Limaniya Ladegi
  • Yezu denmisɛnman
    I be se ka kalan minw sɔrɔ Bibulu kɔnɔ
  • Mariyamu kɔnɔman lo k’a sɔrɔ a furunin tɛ
    Yezu: Ale lo ye sira, tiɲɛn ani ɲɛnamaya ye
  • Kalanbagaw ka ɲiningaliw
    Kɔrɔsili Sangaso be Jehova ka Masaya kofɔ (Kalan)—2023
Yezu: Ale lo ye sira, tiɲɛn ani ɲɛnamaya ye
jy sap. 9 ɲɛɛ 26-ɲɛɛ 27 dakun 1
Yusufu be Yezu degira miniziye baara la

SAPITIRI 9NAN

Yezu lamɔna Nazarɛti dugu la

MATIYO 13:55, 56 MARIKI 6:3

  • YUSUFU NI MARIYAMU KA DENBAYAMƆGƆW BE CAYARA

  • YEZU YE BAARA DƆ DEGI

Yezu lamɔna Nazarɛti dugu lo la. O dugu tun tɛ bɛrɛ ye mɔgɔw ɲɛɛ na. A be Galile mara la, saheli fan fɛ kuluyɔrɔw la. Dalanba min be weele ko Galile baji, a b’o tileben fan fɛ.

Tuma min na Yusufu ni Mariyamu bɔra ni Yezu ye Ezipiti ka na n’a ye o dugu la, n’a sɔrɔ a tun be ni saan fila ɲɔgɔn ye. O wagati la, a be komi ale dɔrɔn lo ye u deen ye. Nka kɔfɛ, a ye badenw sɔrɔ: Zaki ni Yusufu ni Simɔn ani Zuda. Yusufu ni Mariyamu ye denmusow fana sɔrɔ minw tun ye Yezu dɔgɔmusow ye. An be se k’a fɔ ko Yezu ye baden wɔɔrɔ ɲɔgɔn sɔrɔ.

Yezu be ni somɔgɔ wɛrɛw ye. An kumana Elizabɛti n’a dencɛ Zan koo la. Olu yɔrɔ ka jan. U be Zude mara worodugu fan fɛ. Salome yɔrɔ ka surun sabu ale be Galile mara la. A be komi Mariyamu balimamuso lo. O la, Yezu tɛnɛmuso tun lo. Salome cɛɛ tɔgɔ ko Zebede ani u dencɛ fila ye Zaki ni Zan ye. Olu ye Yezu tɛnɛmuso deenw ye. An m’a lɔn ni Yezu tun be wagati caaman kɛ n’u ye a denmisɛnman. Nka a laban, u kɛra a tagamaɲɔgɔn sɔbɛw ye. U fila bɛɛ kɛra a ka cidenw ye.

Yusufu ka denbaya be cayara minkɛ, a ka ɲi ka baaraba kɛ walisa k’u mako wasa. Miniziye lo. Yusufu ye Yezu lamɔ i ko a yɛrɛ woloden. O kama, mɔgɔw be Yezu weele ko “miniziye ka deen.” (Matiyo 13:55). Yusufu ye Yezu degi miniziye baara la ani Yezu y’o baara lɔn kosɔbɛ. Kɔfɛ, mɔgɔw yɛrɛ y’a fɔ Yezu koo la ko: “Miniziye tɛ wa?”—Mariki 6:3.

Yusufu ni Mariyamu b’u deenw kalanna Ala koo la

Yusufu ka denbaya ɲɛnako fɔlɔ ye Jehova batoliko lo ye. Ka kɛɲɛ ni Ala ka sariya ye, Yusufu ni Mariyamu y’u deenw kalan Ala koo la ‘k’u siginin to u fɛ, walima k’u to sira kan tagama na, n’u latuma na, n’u wilituma.’ (Deteronɔmu 6:6-9). Alabatoso dɔ be Nazarɛti. An be se ka la a la ko Yusufu n’a ka denbaya be to ka taga batoli kɛ yen. Bibulu b’a fɔ ko Yezu “donna Alabatoso kɔnɔ lafiɲɛ don na, i ko a tun delila k’a kɛ cogo min na.” (Luka 4:16, ABM). A ka di kosɔbɛ Yusufu ka denbayamɔgɔw ye fana ka taga tuma o tuma Alabatosoba kɔnɔ, Zeruzalɛmu.

  • Dɔgɔnin joli ɲɔgɔn lo tun be Yezu fɛ?

  • Yezu ye baara juman lo degi ani mun na do?

  • Yusufu ye kalan nafaman juman di a ka denbaya mɔgɔw ma?

    Julakan Gafew (2000-2025)
    Se déconnecter
    Se connecter
    • Jula
    • Partager
    • I diyanyekow
    • Copyright © 2025 Watch Tower Bible and Tract Society of Pennsylvania
    • An ka saratiw
    • Kunnafoniw maracogo
    • Paramètres de confidentialité
    • JW.ORG
    • Se connecter
    Partager