I yɛrɛ kɔrɔsi koɲuman i kana ele yɛrɛ ani mɔgɔ wɛrɛw kunnatiɲɛ

Yezu tɛmɛna ntalen kumaw fɛ k’a yira ko a kɔrɔtanin lo an kana an yɛrɛ, wala mɔgɔ wɛrɛw kunnatiɲɛ.

18:6, 7

• Ka ‘mɔgɔ kunna tiɲɛ,’ o ɲɛsinna kɛwale wala koo dɔ ma min be mɔgɔ lasun ka kojugu kɛ, ka talon tagamacogo ta fan fɛ, wala ka jurumu kɛ.

• Mɔgɔ min be mɔgɔ wɛrɛ kunnatiɲɛ, a ka fisa o tigi ma u ka wugu siri a kaan na k’a fili kɔgɔji la.

18:8, 9

• Yezu y’a fɔ a ka kalandenw ye ko fɛɛn o fɛɛn be se k’u kunnatiɲɛ, hali n’o fɛɛn koo ka gwɛlɛ u ma i n’a fɔ u bolo wala u ɲɛden, u k’u mabɔ o la.

• A ka fisa u ka bɔnɛ o fɛɛnw na ani ka don Ala ka Masaya la sanni ka nɔrɔ u la ani ka laban zeyɛni na, o min ye ka halaki pewu.

Mun lo be se ka n’ kunnatiɲɛ ani n’ be se ka mun lo kɛ n’ kana n’ yɛrɛ ani mɔgɔ wɛrɛ kunnatiɲɛn?