I be se k’i ka limaniya kofɔ wa?

Ni dɔ y’i ɲininga ko mun na i lanin b’a la ko Ala lo ye fɛɛn bɛɛ dan, i bena a tigi jaabi cogo di? Ka se k’a jaabi hali i tɛ sigasiga, fɔɔ i ka koo fila kɛ: A fɔlɔ, ele yɛrɛ ka kan ka sɛgɛsɛgɛri kɛ k’a lɔn ko Ala lo ye fɛɛn bɛɛ dan tiɲɛn na (Ɔrɔm. 12:1, 2). A filanan, i ka kan ka miiri k’a filɛ cogo min na i be se k’o ɲɛfɔ mɔgɔ wɛrɛ ye.​—Talenw 15:28.

VIDEWO NUNU FILƐ: DƆGƆTƆRƆ DƆ B’A KA LIMANIYA KOFƆ ANI KONGOSOGOW SƐGƐSƐGƐRIKƐLA DƆ B’A KA LIMANIYA KOFƆ. O KƆ, A’ YE ƝININGALI NUNU JAABI:

• 

  Mun na Irène Hof Laurenceau lanin t’a la ko fɛɛnw yɛlɛma yɛlɛmana ka kɛ yen u yɛrɛ ma, nka a lanin b’a la ko Ala lo y’u dan?

• 

  Mun na Yaroslav Dovhanych lanin t’a la ko fɛɛnw yɛlɛma yɛlɛmana ka kɛ yen u yɛrɛ ma, nka a lanin b’a la ko Ala lo y’u dan?

• I bena a ɲɛfɔ mɔgɔ dɔ ye cogo di fɛɛn min kama ele lanin b’a la ko Ala lo ye fɛɛn bɛɛ dan?

• Jehova ka ɔriganisasiyɔn ye fɛɛn minw bɔ, o jumanw lo be sɔrɔ i ka kaan na minw be se k’i dɛmɛ ka sɛgɛsɛgɛri kɛ walisa k’a lɔn ko Jehova lo ye fɛɛn bɛɛ dan?