KALANSEN 1

Baro dadoncogo ɲuman

Kɛwaliw 17:22

MIIRIYA JƆNJƆN: Dadon kumaw ka ɲi ka baro diya don mɔgɔw la, k’i ka barokun bɔ kɛnɛ kan ani k’a yira fɛɛn min kama a kɔrɔtanin lo mɔgɔw k’u mako don baro la.

A KƐCOGO:

Baro diya don mɔgɔw la: Ɲiningali, fɔta, wale dɔ min kɛra yɛrɛ yɛrɛ la, wala kibaruya kura dɔ sugandi min bena baro diya don i lamɛnbagaw la.

Kɔn ka miiri koɲuman k’a filɛ min bena diya i lamɛnbagaw ye ani u jɔrɔnankow ye min ye. O kɔ, basigi o kan k’i ka baro dadonkumaw labɛn.
I ka kalan barokun bɔ kɛnɛ kan: I ka kalan barokun ye min ye ani a laɲinita ye min ye, i janto k’o bɔ kɛnɛ kan k’a gwɛya i lamɛnbagaw ye.
A yira fɛɛn min kama i ka barokun kɔrɔtanin lo: I ka kumaw fɔ ka kɛɲɛ n’i lamɛnbagaw mako ye. U ka ɲi k’a faamu koɲuman o barokun be se k’u nafa cogo min na.

I ka kalan labɛntɔ, i yɛrɛ ɲininga ko: “Gwɛlɛya juman lo be ne ka kafo balimaw kan?” O kɔ, i ka baro dadon ka kɛɲɛ n’o ye.