Marisi tile 25nan lɔgɔkun

Dɔnkili 76 ani delili

□ Kafo ka Bibulu kalan:

lv sap. 7 § 10-19 ani ɲɛɛ 81 ka koorilen (mn. 30)

□ Ala ka Mara cidenyabaara lakɔli:

Bibulu kalangwɛ: Luka 4–6 (mn. 10)

N^o 1: Luka 4:22-39 (Kana tɛmɛ miniti 4 kan)

N^o 2: Siya sifa minw bɛɛ be yen, u bɔra min?—rs ɲɛɛ 294 § 4–ɲɛɛ 295 § 2 (mn. 5)

N^o 3: Mun lo b’a yira ko Yesu suu kununa?—1 Kɔr. 15:3-7 (mn. 5)

□ Waajuliko lajɛn:

Dɔnkili 111

mn 5: Bibulukalanw daminɛcogo samedi fɔlɔ la. Ɲɛyirali: Bibulukalan daminɛcogo awirilikalo ka samedi fɔlɔ la. A’ ye tɛmɛ ɲɛɛ 8nan ka yiracogo modɛli fɛ k’o kɛ. A’ ye bɛɛ jija u k’u seen don o baara la.

mn 25: “Baara kɛcogo ni kitabunin kura ye: Kibaro diiman min bɔra Ala yɔrɔ.” Ɲiningaliw ni jaabiliw. Dakun 6nan lajɛtɔ, a’ ye ɲɛyirali fila kɛ.

Dɔnkili 97 ani delili

3. Gafe minw dilanna bibulukalan kama, faranfasi juman be olu ni kitabunin kura cɛ?

³ A labɛnna cogo min na: An ka gafe minw dilanna bibulukalan kama, u caaman sɛbɛra cogo dɔ la walisa u kalanbagaw ka se k’u faamu hali ni mɔgɔ m’u dɛmɛ. Nka kuraman nin be dan na. A kalanbaga tɛ se k’a faamu ni kalanfa dɔ ma bibulukalan kɛ n’a ye. O kama, n’an y’a di mɔgɔ dɔ ma, a ka ɲi an ka dakun kelen wala fila lajɛ n’a tigi ye. Dakunw man jan. An yɛrɛ be se k’u lajɛ ni mɔgɔw ye u ka sodaw la wala u ka baarakɛyɔrɔw la hali n’an ma sigi. A ka nɔgɔ ka kalan daminɛ ni kalansen fɔlɔ ye. Nka foyi t’an bali k’a daminɛ ni kalansen wɛrɛ ye.

4. Kitabunin kura labɛnna cogo di walisa an ka se ka kalandenw dɛmɛ u ka lɔnniya sɔrɔ Bibulu yɛrɛ kɔnɔ?

⁴ An ka gafe caaman kɔnɔ, ɲiningali minw sɛbɛra, u jaabiliw be sɔrɔ dakunw kɔnɔ. Nka kitabunin kura kɔnɔ, jaabiliw ka teli ka sɔrɔ Bibulu lo kɔnɔ. Mɔgɔ caaman b’a fɛ ka lɔnniya sɔrɔ Bibulu lo kɔnɔ sanni k’o sɔrɔ an ka gafew kɔnɔ. O lo y’a to vɛrise minw sɛbɛra dakunw kɔnɔ, u fanba kɔnɔ kumaw ma sɛbɛ. An ka kan k’u kalan Bibulu yɛrɛ lo kɔnɔ. O la, kalandenw bena a ye ko u be lɔnniya min sɔrɔla, a bɔra Ala ka Kuma lo kɔnɔ.—Es. 54:13.

5. Mun na a ka ɲi kalanfa k’a yɛrɛ labɛn ka ɲɛ kalan kelen kelen bɛɛ kama?

⁵ Kitabunin kura tɛ vɛrisew bɛɛ ɲɛfɔ. Mun na do? A labɛnna walisa ka kalanden jija a ka ɲiningaliw kɛ ani k’a to kalanfa ka baara kɛ n’a yɛrɛ ka kalankɛcogo fɛɛrɛw ye. O kama, a ka ɲi an k’an yɛrɛ labɛn ka ɲɛ kalan kelen kelen bɛɛ kama. Nka, an k’an janto nin na: An kana kuma caya. A ka di an ye ka Bibulu ɲɛfɔ mɔgɔw ye. Nka tuma caaman na, a ka fisa an k’a ɲini kalanden fɛ a k’a ɲɛfɔ ale yɛrɛ be vɛrisew faamu cogo min na. N’an be ɲiningaliw kɛ cogo bɛnnin na, an bena se k’a tigi dɛmɛ ka vɛrise kelen kelen bɛɛ kɔrɔ faamu.—Kɛw. 17:2.