KALANSEN 16

Kuma diimanw, minw be mɔgɔ jija

Zɔbu 16:5

MIIRIYA JƆNJƆN: Sanni i ka sinsin gwɛlɛyaw kan, sinsin u ɲɛnabɔcogo ni koo wɛrɛw kan minw bena i lamɛnbagaw jija.

Kɛ ni miiriya ɲumanw ye i lamɛnbagaw koo la: La a la ko i kerecɛnɲɔgɔnw b’a fɛ k’u koo diya Jehova ye. Hali n’i ka ɲi k’u ladi koo dɔ la, kɔn k’u tando ni kɔnɔgwɛ ye n’i ye sababu sɔrɔ k’o kɛ.

Kana a to dimi k’i lasun ka kuma, nka a to kanuya lo k’i lasun k’o kɛ. Yɛlɛmisɛn kɛ ni dusudiya ye walisa i lamɛnbagaw ka la i la ani u k’a ye ko i b’u faamu.
Kana kuma caaman gwɛlɛyaw koo la: I be se ka kuma gwɛlɛya dɔ koo la n’o bena i dɛmɛ ka laɲinita dɔ dafa ani k’i lamɛnbagaw nafa. I ka ɲi k’i ka kalan fanba kɛ ni jijalikan ye.
Baara ɲuman kɛ ni Ala ka Kuma ye: Jehova ye min kɛ, a be min kɛra, ani a bena min kɛ adamadenw ye, mɔgɔw ɲɛsin o lo ma. I lamɛnbagaw jija ani u jigi tugu.