DƆNKILI 111
Ninsɔndiya sababuw
1. An be ninsɔndia fɛɛn minw kosɔn,
o fɛɛnw tɛna kɛ banta ye.
Jama lo be farala an kan
waasa an ka Ala bato.
An ka ninsɔndia ye mɛɛnta ye.
O basigira Biblu kan.
An ka limania be sabati
n’an be Biblu kalan loon bɛɛ.
Ninsɔndiaba lo b’an dusu la.
O be i n’a fɔ takami.
Ni dusukasi cunna an kan,
Jehova be fanga d’an ma.
(LAMINƐKAN)
Jehova lo b’an ninsɔndia,
a ka danfɛnw b’an dusu diya.
A ye kobaw kɛ, Hak’litigi lo.
A ka ɲumanya ɲɔgɔn tey’.
2. Ala ka danfɛnw bɛɛ f’lɛ ka di.
U be mɔgɔ kabakoya.
Dugukolo ni sankolo be
a ka sebagaya yira.
An be Ala ka Masaya fɔ.
O ye ninsɔndia ye an fɛ.
An kisɛyanin b’a fɔ bɛɛ ye:
“Ala ka Masaya sera.”
Ninsɔndia min tɛna ban ka ye,
Ala bena o lo d’an ma.
A bena fɛɛn bɛɛ kɛ kura ye,
o b’an ninsɔndia kosɔbɛ.
(LAMINƐKAN)
Jehova lo b’an ninsɔndia,
a ka danfɛnw b’an dusu diya.
A ye kobaw kɛ, Hak’litigi lo.
A ka ɲumanya ɲɔgɔn tey’.
(Jaa lajɛ Det. 16:15; Isa 12:6; Zan 15:11.)