DƆNKILI 139
Miiri k’a filɛ ko i be duniɲa kura kɔnɔ
(Yirali 21:1-5)
1. Miiri k’a flɛ ko ne n’ele,
an bɛɛ be duniɲa kura kɔnɔ.
A bena kɛ ninsɔndia ye
ka kɛ hɛɛrɛ la, ka lafiya sa!
Mɔgɔ jugu si tey’ tugun.
Ala ka Masaya tena ban.
Siniɲasigi ɲuman lo b’an ɲafɛ.
An bɛɛ bena ɲagali
ka dɔnkli la ko:
(LAMINƐKAN)
“An Faa Jehova, an b’Ele tando.
I Dencɛ ye fɛɛn bɛɛ kɛ kura ye.
An ninsɔndianin be dɔnkli la i ye.
Nɔɔrɔ, tandoli ni bonya ye E ta ye!”
2. Miiri k’a filɛ ko ne n’ele,
an be alijɛnɛ nata kɔnɔ.
An tɛ foyi mɛn, an tɛ foyi ye
min be an las’ran, k’an kɔnɔ gwan.
An ka Ala tun ye min fɔ,
o bɛɛ dafara, A be n’an ye!
Waati sera, a bena suuw lakunu.
U kaan ni an kaan
be jɛn ka dɔnkli la ko:
(LAMINƐKAN)
“An Faa Jehova, an b’Ele tando.
I Dencɛ ye fɛɛn bɛɛ kɛ kura ye.
An ninsɔndianin be dɔnkli la i ye.
Nɔɔrɔ, tandoli ni bonya ye E ta ye!”
(Jaa lajɛ Zab. 37:10, 11; Isa. 65:17; Zan 5:28; 2 Piyɛri 3:13.)