YƆRƆ 6NAN

An be kalan juman sɔrɔ o sanjiba koo la?

Ala ye mɔgɔ juguw halaki, nka a ye Nuhun n’a ka denbaya kisi. Zɛnɛzi 7:11, 12, 23

Kurun be jii sanfɛ, jii be mɔgɔ juguw halakira, ani mɛlɛkɛ murutininw be yɛlɛmana k’u farisogo to yen

Sanji benna caaman tile 40 ani suu 40. Jii ye dugukolo bɛɛ datugu. Mɔgɔ juguw bɛɛ sara.

Mɛlɛkɛ murutininw y’u farisogo to yen ani u kɛra jinaw ye.

Nuhun n’a ka denbayamɔgɔw ni kongosogow bɔra kurun kɔnɔ ani sanmuru bɔra sankolo la

Minw tun be kurun kɔnɔ, olu kisira. Hali ni Nuhun n’a ka denbayamɔgɔw labanna ka sa, Ala bena u lakunu ani u bena jigiya sɔrɔ ka to niin na fɔɔ abada.

Ala bena mɔgɔ juguw halaki tugun ani a bena mɔgɔ ɲumanw kisi. Matiyo 24:37-39

Sutana n’a ka jinaw be fɛɛrɛ caaman kɛ walisa ka mɔgɔw lafili

Hali bi, Sutana ni jinaw b’a la ka mɔgɔw lafili.

I n’a fɔ Nuhun ka tile la, bi mɔgɔ caaman be ban Jehova ka ɲɛminɛli ma, a be min kɛ ni kanuya ye. Yanni dɔɔni, Jehova bena mɔgɔ juguw bɛɛ halaki.—2 Piyɛri 2:5, 6.

Jehova Seerew be Bibulu yɔrɔ dɔ kalanna walisa ka cɛɛ dɔ waaju; cɛɛ dɔ be Bibulu kalanna

Mɔgɔ dɔw be komi Nuhun. U be mɛnni kɛ Ala fɛ ani a be min fɔ, u b’o lo kɛ: Olu ye Jehova Seerew ye.