Yezu tun ye jɔn lo ye?

Jehova ye Yezu ci ka na dugukolo kan. 1 Zan 4:9

N’an b’a fɛ k’an koo diya Jehova ye, an ka kan ka mɔgɔ wɛrɛ lamɛn min lɔyɔrɔ ka bon. Wagati jan sanni Adama ka dan, Jehova tun ye mɛlɛkɛ barikaman dɔ dan sankolo la.

Wagati dɔ nana se, Jehova y’o mɛlɛkɛ nin ci ka na wolo Bɛtilehɛmu npogotigi dɔ fɛ min tɔgɔ ko Mariyamu. O deen tɔgɔ lara ko Yezu.​—Zan 6:38.

Yezu ye Ala jogow yira cogo dafanin na dugukolo kan. Ɲumanya ni kanuya tun b’a la ani mɔgɔw tun tɛ siran ka gwɛrɛ a la. A ma siran ka tiɲɛn fɔ mɔgɔw ye Jehova koo la.

Yezu ye koo ɲuman kɛ, nka mɔgɔw y’a kɔniya. 1 Piyɛri 2:21-24

Diinan kuntigiw ye Yezu kɔniya sabu a tun b’u ka ngalon kalanw n’u ka kɛwale juguw yira kɛnɛ kan.

Yezu ye banabagatɔw kɛnɛya ani ka suu dɔw lakunu fana.

Diinan kuntigiw ye Ɔrɔmukaw lasun u ye Yezu bugɔ ani k’a faga.