An be se ka kɛ mɔgɔ saniyanin ye cogo di Ala ɲɛɛ kɔrɔ?

Miiri k’a filɛ: bamusoman dɔ b’a deen labɛnna lakɔlitaga kama. A b’a janto ko a deen kora, a ka faniw ka ɲi ani u nɔgɔnin tɛ. O be deen tanga banaw ma ani o b’a yira mɔgɔw la ko a wolobagaw b’a ladon ka ɲɛ. O cogo kelen na, an Faa kanutigi Jehova b’a fɛ an saniyanin ka to farikolo ta fan fɛ. A b’a fɛ fana an ka kɛ mɔgɔ saniyaninw ye an ka miiriyaw, an ka kumaw ani an ka kɛwalew la. N’an saniyanin lo, o b’an yɛrɛ nafa ani o be bonya la Jehova kan.

1. Ka saniya farikolo ta fan fɛ, o kɔrɔ ko di?

Jehova y’a fɔ an ye ko: “Aw ka kɛ mɔgɔ senumanw ye.” (1 Piyɛri 1:16). Ka kɛ mɔgɔ senuman ye, o ɲɛsinna an fari saniyako ma ani fana an tagamacogo ma. An be se k’an yɛrɛ saniya an kɛtɔ ka ko, ka fani gwɛninw don, k’an ka soo n’an ka bolifɛn saniya ani k’u ladon. An be se fana ka dɛmɛ don ka Masaya Boon saniya. N’an saniyanin lo, o be bonya la Jehova kan.—2 Korɛntikaw 6:3, 4.

2. An ka ɲi ka delinanko jumanw dabila walisa an saniyanin ka to?

Bibulu b’an jija ko “an k’an yɛrɛ saniya ka bɔ nɔgɔ sifa bɛɛ la, farisogo ta, ni dusu ta,” o kɔrɔ, hakili ta (2 Korɛntikaw 7:1). O kama, fɛɛn o fɛɛn be se ka bɔnɛ lase an fari wala an hakili ma, an b’an yɛrɛ tanga o ma. An ka miiriyaw ka kan ka diya Jehova ye. O kama, an b’an seko bɛɛ kɛ ka koo nɔgɔninw bɔ an hakili la (Zaburuw 104:34). An ka ɲi k’an kumacogo kɔrɔsi fana.—Kɔlɔsikaw 3:8 kalan.

Mun lo be se k’a to Ala t’an jati mɔgɔ saniyanin ye? Fɛɛn dɔw be se ka bɔnɛ lase an fari ma, i n’a fɔ ka sigarɛti wala saramugu min, wala ka dɔrɔgi ta. N’an b’an yɛrɛ tanga o fɛɛnw ma, an bena to kɛnɛya la ani an ben’a yira ko an be niin jati nilifɛn nafamanba ye. An be banba fana an kana an yɛrɛ bila delinanko nɔgɔnin dɔw la, i n’a fɔ ka porno filɛ, wala k’i ɲɛfɛla mɔmɔ walisa ka cɛnimusoko nege wasa (Zaburuw 119:37; Efɛzikaw 5:5). A man nɔgɔ k’o delinanko nɔgɔninw dabila, nka Jehova be se k’an dɛmɛ.—Ezayi 41:13 kalan.

A ƝINI KA DƆ LƆN TUGUN

3. N’an saniyanin lo, o be bonya la Jehova kan

Jehova tun ye sariya minw di Israɛl siya ma, o sariyaw b’a yira Jehova be saniya koo jati cogo min na. Ɛkizɔdi 19:10 ani 30:17-19 kalan. O kɔ, a’ ye ɲiningali nunu kɛ ani ka baro kɛ u kan:

• Jehova be saniya koo jati cogo min na, vɛrise nunu b’o yira cogo di?

• I be se ka mun lo kɛ walisa i saniyanin ka to?

Walisa an fari ani an bololafɛnw saniyanin ka to, o be wagati ta, ani o tɛ ɲɛ jijali kɔ. Nka an be yɔrɔ o yɔrɔ, an be se k’o kɛ hali n’an ye fantan ye. A’ ye VIDEWO filɛ. O kɔ, a’ ye ɲiningali nin kɛ ani ka baro kɛ o kan:

VIDEWO: Mɔgɔ saniyanin koo ka di Ala ye (4:10)

• N’an bololafɛnw saniyanin lo ani n’u ladonnin lo ka ɲɛ, mun na o bena danbe la an ka waajuli baara kan?

4. Banba ka delinanko nɔgɔninw dabila

N’i be sigarɛti min wala n’i be dɔrɔgi ta, i b’a lɔn ko a man nɔgɔ k’o delinanko dabila. N’o lo, mun lo be se k’i dɛmɛ? Miiri k’a filɛ o delinanko be nɔɔ min to i kan. A’ ye Matiyo 22:37-39 kalan ani ka baro kɛ o kan. Ni mɔgɔ be sigarɛti min wala n’a be dɔrɔgi ta, o be nɔɔ juman to . . .

• ale ni Jehova ka teriya kan?

• a somɔgɔw n’a gɛrɛfɛmɔgɔw kan?

Fɛɛrɛ dɔ labɛn min bena i dɛmɛ ka see sɔrɔ i ka delinanko jugu kan.a A’ ye VIDEWO filɛ.

VIDEWO: A ɲini k’i yɛrɛ minɛ (2:47)

Filipikaw 4:13 kalan. O kɔ, a’ ye ɲiningali nin kɛ ani ka baro kɛ o kan:

• Ka to ka delili kɛ, ka Bibulu sɛgɛsɛgɛ, ani ka taga kafo ka lajɛnw na, o be se ka mɔgɔ dɛmɛ cogo di ka delinanko jugu dɔ dabila?

5. Mɔgɔ ka ɲi ka min kɛ ka kakalaya miiriyaw ani koo nɔgɔninw bɔ a hakili la

Kɔlɔsikaw 3:5 kalan. O kɔ, a’ ye ɲiningali nunu kɛ ani ka baro kɛ u kan:

• Ka porno filɛ, k’i ɲɛfɛla mɔmɔ walisa ka cɛnimusoko nege wasa, ani ka kakalaya SMS wala fotow ci mɔgɔ dɔ ma, an b’a lɔn cogo di k’o ye koo nɔgɔninw ye Jehova ɲɛɛ kɔrɔ?

• Jehova b’a ɲini an fɛ an ka kɛ mɔgɔ saniyaninw ye an ka kumaw, an ka miiriyaw ani an ka kɛwalew la. E ka miiri la, o bɛnnin lo wa? Mun na i ko ten?

Mɔgɔ be se ka kakalaya miiriyaw bɔ a kɔnɔ cogo di? A’ ye VIDEWO filɛ o koo la.

VIDEWO: Walisa i saniyanin ka to, dɔ kɛ dɔ ye (1:51)

Yezu ye ntalen kuma dɔ fɔ k’a yira an ka ɲi ka min kɛ walisa an saniyanin ka to tagamacogo ta fan fɛ. Matiyo 5:29, 30 kalan. O kɔ, a’ ye ɲiningali nin kɛ ani ka baro kɛ o kan:

• Yezu tun t’a fɔra ko an ka ɲi k’an yɛrɛ mandimi le. Nka, a tun b’a fɛ k’a fɔ ko an ka ɲi k’an cɛsiri ka dɔ kɛ dɔ ye. Mɔgɔ ka ɲi ka banba ka mun lo kɛ walisa ka kakalaya miiriya bɔ a kɔnɔ?b

N’i jijanin lo ka kakalaya miiriya bɔ i kɔnɔ, la a la ko o ka di Jehova ye. Zaburuw 103:13, 14 kalan. O kɔ, a’ ye ɲiningali nin kɛ ani ka baro kɛ o kan:

• N’i be bondori kɛra walisa ka delinanko nɔgɔnin dɔ dabila, o vɛrisew be se k’i dɛmɛ cogo di i kana i fari faga?

Kana i fari faga!

A ka nɔgɔ k’a miiri ko: “Komi n’ tɛ sera k’a dabila, kuun t’a la n’ ka n’ yɛrɛ sɛgɛn tugun.” Nka miiri nin na: Ni mɔgɔ bɔra ka ben ɲɔgɔndanboli dɔ la, o kɔrɔ tɛ ko a ta banna le, wala ko a ka ɲi ka kɔsegi a daminɛyɔrɔ la ka boli daminɛ kura ye. O cogo kelen na, n’i segira delinanko jugu dɔ kan, o kɔrɔ tɛ ko i dɛsɛra a kɔrɔ le. I ye jijali min bɛɛ kɛ ka ban, o fana tɛ fuu ye. Ka segi ka delinanko jugu dɔ kɛ, o be faamu. Nka, n’i tora k’i jija, i bena se k’a dabila. Kana i fari faga! Jehova ka dɛmɛ sababu la, i be se ka see sɔrɔ o delinanko jugu kan.

MIIRIYA JƆNJƆN

N’an saniyanin lo, ani n’an ka miiriyaw n’an tagamacogo ka ɲi, o be bonya la Jehova kan.

I ye mun lo faamu?

• Mun na a kɔrɔtanin lo an saniyanin ka to?

• Ka saniya farikolo ta fan fɛ, o kɔrɔ ko di?

• An be se ka kɛ mɔgɔ saniyanin ye an ka miiriyaw n’an ka kɛwalew la cogo di?

NUNU LAJƐ FANA

Hali ni fɛɛn bɛrɛ t’i bolo, i be se ka koo nɔgɔman jumanw lo kɛ walisa i saniyanin ka to?

Kɛnɛyako ani saniyali: Tɛgɛko (3:01)

Ladili ɲumanw, minw be se k’i dɛmɛ ka sigarɛtimin dabila.

“Comment arrêter de fumer” (Saan 2010, mɛkalo ka Réveillez-vous !)

Porno be se ka nɔɔ jugu min to mɔgɔ kan.

“La pornographie : inoffensive ou dangereuse ?” (Saan 2013, utikalo tile fɔlɔ ka Kɔrɔsili Sangaso)

A filɛ cogo min na cɛɛ dɔ sera ka pornofilɛ dabila.

“J’ai échoué bien des fois avant de réussir” (Saan 2016 ka Kɔrɔsili Sangaso N^o 4)