Se Ẹkpetịn̄de Ẹban̄a Mme Magazine

Enyọn̄-Ukpeme January 1

“Ndi emekere ke ererimbot ọkpọfọn akan emi edieke mme owo ẹkpedade edumbet Bible emi ẹdu uwem? [Kot Rome 12:18. Ekem bet ibọrọ.] Ke edide ntre, ndi akanam emekere m̀mê nso ikanam Abasi ọdọhọ ikọt esie ke eset ete ẹn̄wana ekọn̄ ndusụk ini? Ibuotikọ emi etịn̄ in̄wan̄-in̄wan̄ ibọrọ oro odude ke Bible.” Wụt ibuotikọ oro ọtọn̄ọde ke page 13.

Awake! January

Kot Utom 17:31a. Ekem dọhọ ete: “Ediwak owo esikop ndịk ẹban̄a Usen Ikpe. Esitie fi didie ke idem? [Bet ibọrọ.] Bible ekpep ete ke Usen Ikpe edidi ini edidiọn̄ ọnọ isọn̄. Ibuotikọ emi anam n̄kpọ emi an̄wan̄a.” Wụt ibuotikọ oro ọtọn̄ọde ke page 10.

Enyọn̄-Ukpeme February 1

“Ediwak owo ẹsikere ke iyaka heaven ke ima ikpa. Ndi emesitiene ekere ntre? [Bet ibọrọ.] Kop utịp oro Bible ọdọhọde nte ediwak nti owo ẹdibọde mi. [Kot Psalm 37:29.] Magazine emi odụn̄ọde se Bible etịn̄de aban̄a mbon oro ẹdikade heaven, ye se mmọ ẹdinamde do.”

Awake! February

“Usiondọ edi ọsọ n̄kpọ mfịn. Ndi emekere ke ediwak mme ọdọ ndọ ẹsikere ẹban̄a kpukpru se ẹkpenamde, mbemiso ẹbierede ndisio kiet eken ndọ? [Bet ibọrọ. Ekem kot Mme N̄ke 14:15.] Magazine emi owụt n̄kpọ inan̄ oro mme ọdọ ndọ ẹkpekerede ẹban̄a ke ini ekikere usiondọ odụkde mmọ ibuot.”