Vidio The Bible​—Its Power in Your Life

Bible an̄wam ediwak miliọn owo ẹkpụhọde uwem mmọ. Nso idi ndusụk edumbet Bible oro edide ima ida isịn ke edinam, mmọ ẹn̄wam nnyịn ikan mme mfịna eyomfịn? Ke akpanikọ, esịt eyenem fi ndikụt ibọrọ mbụme emi ke ini esede vidio The Bible—Its Power in Your Life, kpa ọyọhọ vidio iba ke otu vidio ita emi ẹdude ke DVD oro The Bible—A Book of Fact and Prophecy. Ke ama ekese vidio emi ama, ndi emekeme ndibọrọ mme mbụme emi?

(1) Ntak emi Bible mîdịghe sụk n̄wọrọnda n̄wed? (Heb. 4:12) (2) Edieke Bible ekemede ndin̄wam mme owo ẹkpụhọde uwem mmọ, ntak emi ubonowo ẹnyenede ediwak mfịna ntem? (3) Nso idi akpan ibuotikọ Bible? (4) Mme itie N̄wed Abasi ewe ke ẹkesiak nte ẹkemede ndin̄wam mme nsan̄a ndọ (a) ẹkeme ndineme nneme ọfọn (b) ẹmụm esịt mmọ ẹkama? (5) Didie ke nte Christian esede ndọ anam uwem ubon ọfọn? (Eph. 5:28, 29) (6) Didie ke Jehovah enịm mfọnmma uwụtn̄kpọ ọnọ mme ete ye eka? (Mark 1:9-11) (7) Didie ke mme ete ye eka ẹkeme ndinam ukpepn̄kpọ ubon enem? (8) Ke adianade ye ukpepn̄kpọ Bible, nso n̄kpọ efen ke Ikọ Abasi esịn udọn̄ ọnọ mme ete ye eka ete ẹnam ẹnọ nditọ mmọ? (9) Didie ke item Bible ekeme ndin̄wam mme ubon ẹdu uwem kpa ye nsọn̄ọn̄kpọ? (10) Mme edumbet Bible ewe oro ẹban̄ade usanaidem, edida n̄kpọsọn̄ ibọk, edin̄wọn̄ ọkpọsọn̄ mmịn mbe ubọk, ye mfịghe ẹkeme ndin̄wam ke ndisụhọde mfịna nsọn̄idem? (11) Mme un̄wọn̄ọ Bible ewe ẹkeme ndisọn̄ọ nnyịn idem? (Job 33:25; Ps. 145:16) (12) Didie ke mme n̄kpọ oro Ikọ Abasi ekpepde ẹn̄wam fi anam ukpụhọde ke uwem fo? (13) Didie ke afo ekeme ndida vidio emi n̄n̄wam mbon en̄wen?