Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke August

“Ata ediwak owo ẹsibọn̄ akam ke nsio nsio ini. Idem mbon oro mînịmke ke Abasi odu ẹsibọn̄ akam ke ini mmọ ẹnyenede mfịna. Ndi emekere ke kpukpru akam ke Abasi esikop?” Bet ibọrọ. Wụt ibuotikọ oro odude ke edem Enyọn̄-Ukpeme eke August 1, neme se idude ke idak akpa mbụme ye enye nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Fiọk ete: Ẹkpenyene ndinam usụn̄ unyene nneme emi n̄wụt ke ini mbono an̄wautom ke August 3.

Enyọn̄-Ukpeme August 1

“Nnyịn iwaha edem mbufo mfịn sia afịna ediwak owo ndikụt nte ndise idan̄ ọyọhọde kpukpru ebiet. Edi ediwak mbon eken ẹkere ke inyeneke se idinamde owo edieke enye ẹsede ndise idan̄. Afo ekere didie? [Bet ibọrọ.] Jesus ọkọdọhọ ke nnyịn imekeme ndida utịp oro n̄kpọ akamade ifiọk m̀mê n̄kpọ oro ọfọn. [Kot Matthew 7:17.] Magazine emi eneme mme utịp oro edise ndise idan̄ akamade. Enye etịn̄ n̄ko nti n̄kpọ oro owo emi esisede ndise idan̄ akpanamde man enye ekeme nditre edinam emi.”

Ẹdemede! July–August

“Ayama ndifiọk nte ke ererimbot emi ọdiọk nte andikara esie. Edi, ndi ọmọfiọk owo emi akarade ererimbot emi? [Bet ibọrọ.] Kop mi se Abasi aduakde ndinam ke mîbịghike man abiat idiọk ukara esie emi efep. [Kot John 12:31.] Magazine emi ayarade owo emi Satan edide onyụn̄ owụt ke enye edi ata owo. Enye owụt n̄ko nte ikpekpemede idem ke n̄kari esie.” Wụt ibuotikọ oro ọtọn̄ọde ke page 14.