NTE CHRISTIAN OKPODUDE UWEM
Buọt Idem ye Jehovah ke Ini Ẹfiomode Fi
Mfiomo ekeme ndinam inen̄ede ifụhọ onyụn̄ anam esịt etịmede nnyịn. Ke ini ẹfiomode nnyịn, oro ekeme ndinam idem emem nnyịn onyụn̄ anam itre ndinam n̄kpọ Jehovah. Nso ke ikpanam man owo idifiomo nnyịn?
Ediwak ikọt Jehovah ẹsisọn̄ọ ẹda ye Jehovah ke ini ẹfiomode mmọ ndien oro isiyakke idem emem mmọ. (Ps 18:17) Ke uwụtn̄kpọ, Esther ama enyene uko etịn̄ ikọ man ayarade idiọk uduak oro owo ibak oro Haman akaduakde aban̄a ikọt Abasi. (Es 7:1-6) Mbemiso Esther akanamde oro, enye ama enen̄ede ọbuọt idem ke Jehovah onyụn̄ etie utreudia. (Es 4:14-16) Jehovah ama anam se enye akanamde ọwọrọ usụn̄ onyụn̄ ekpeme enye ye ikọt esie.
Mme uyen, edieke ẹfiomode mbufo, ẹbọn̄ akam ẹben̄e Jehovah an̄wam mbufo ẹnyụn̄ ẹtịn̄ n̄kpọ oro ẹnọ owo emi okponde akan mbufo utọ nte ete m̀mê eka mbufo. Ẹnen̄ede ẹnịm ke Jehovah ayan̄wam mbufo ukem nte akan̄wamde Esther. Nso en̄wen ke ẹkeme ndinam ke ini ẹfiomode mbufo?
ẸSE VIDIO ORO KE INI UYEN MI—N̄KPANAM N̄KPỌ DIDIE KE INI ẸFIOMODE MI? EKEM ẸBỌRỌ MME MBỤME EMI:
Nso ke mme uyen ẹkeme ndikpep nto Charlie ye Ferin?
Nso ke mme ete ye eka ẹkeme ndikpep nto se Charlie ye Ferin ẹtịn̄de ke vidio oro?