Ikọ Idakisọn̄

a Idụhe ufan emi ọfọnde ye nnyịn akan Jehovah. Imenen̄ede ima nte idide ufan esie, inyụn̄ iyom ndinen̄ede ndiọn̄ọ enye. Esida ini mbemiso ikemede ndinen̄ede ndiọn̄ọ owo. Ukem ntre n̄ko, oyom ini man ikeme ndinen̄ede ndiọn̄ọ Jehovah. Nte uwem etiede iyakke owo enyene ata ini ntem ọnọ idemesie. Idinam didie ndien inyene ini inam se idin̄wamde nnyịn ikpere Ete nnyịn emi odude ke heaven? Nso ufọn ke idibọ edieke ikperede enye?