Jerusalem odu ke obot oro okon̄de ke mita 750 ke ufọt ufọt ikpọ obot Judah. Bible okot enye “obot” onyụn̄ etịn̄ nte mme andituak ibuot “ẹdọkde ẹka do.” (Ps 48:2; 122:3, 4) Mme ebeden̄ ẹma ẹdu ẹkanade akani obio oro ẹkụk: Ebeden̄ Nditọ Hinnom okodu ke edem usoputịn ye edem usụk ke adan̄aemi Ebeden̄ Kidron okodude ke edem usiahautịn. (2Nd 23:10; Jer 31:40) Ẹkesinyene edisana mmọn̄, oro ẹkenen̄erede ẹyom ke ini mme asua ẹdade ekọn̄ ẹdụk, ẹto Udiọn̄ Mmọn̄ Gihona emi okotode Ebeden̄ Kidron ye Ebeden̄ En-rogel ke edem usụk.—2Sa 17:17.

En-rogel