-
Ikọ Jehovah “Ọkọri Onyụn̄ Akan” Kpa ye Ukọbọ“Ndinọ Ọyọhọ Ikọ Ntiense Mban̄a Obio Ubọn̄ Abasi”
-
-
“Akwa Ndutịme Etịbe” (Utom 19:23-41)
“Mme ete, mbufo ẹmetịm ẹfiọk ẹte uforo nnyịn oto mbubehe emi.”—Utom 19:25
16, 17. (a) Tịn̄ nte Demetrius akasan̄ade ọtọn̄ọ ntịme ke Ephesus. (b) Didie ke mbon Ephesus ẹkemen n̄kpọ abasi mmọ ẹbiom ke ibuot?
16 Idahaemi, imọn̄ ineme nte Satan okoyomde ndida mbon ntịme ntre ukwọrọikọ Paul. Luke ọdọhọ ete: “Akwa ndutịme etịbe aban̄a Usụn̄ Oro.” Se enye eketịn̄de emi ikedịghe ikọ inua.e (Utom 19:23) Odom silver oro ekekerede Demetrius ọkọtọn̄ọ mfịna oro. Enye ama etịn̄ ikọ edep esịt mbon oro ẹkesitienede ẹnam utomusọ onyụn̄ ọdọhọ ke ndisọi mbiet emi mmimọ isinamde ke mmimọ ida inyene okụk. Enye ama onyụn̄ ọdọhọ ke se Paul ọkwọrọde idiyakke mmimọ inyene aba okụk sia mme Christian mîsituakke ibuot inọ ndisọi n̄kpọ. Ndien sia enye ọdiọn̄ọde ke mbon oro imọ iketịn̄de ikọ inọ ẹnen̄ede ẹma obio mmọ, enye ama ọdọhọ mmọ ke edieke mmọ ẹkpan̄de utọn̄ ẹnọ Paul, ke mme owo ididaha Artemis abasi-an̄wan mmọ ye ọwọrọetop temple mmọ ke n̄kpọ.—Utom 19:24-27.
-
-
Ikọ Jehovah “Ọkọri Onyụn̄ Akan” Kpa ye Ukọbọ“Ndinọ Ọyọhọ Ikọ Ntiense Mban̄a Obio Ubọn̄ Abasi”
-
-
e Ndusụk owo ẹdọhọ ke ini Paul ọkọdọhọde mbon Corinth ke ‘mmimọ ikodorike enyịn ite iyodu uwem,’ ke enye eketịn̄ aban̄a se iketịbede ke Ephesus emi. (2 Cor. 1:8) Edi, ekeme ndidi enye eketịn̄ aban̄a se ikọwọrọde enye, emi akakam ọdiọkde akan oro. Ke ini Paul ekewetde ete ke imọ ‘ima in̄wana ye ndiọi unam ke Ephesus,’ ekeme ndidi emi ama enen̄ede etịbe mîdịghe edi ke enye eketịn̄ aban̄a nte mme owo ẹkebiọn̄ọde enye.—1 Cor. 15:32.
-