Miqueas
4 Ewari jõbʉrʉɗe, Ãcõrẽ eyara jipa nũmeya dewara ɓea eya cãyãbara idjaɓa ʉ̃tʉara ɓaya jãʉ̃ eya zaque cãyãbara, jãʉ̃ eyada jũma purura wãnia. 2 Zocãrã purura wãnapeɗa jaraɗia: “Wãna Jeowa eyada, ʉ̃taa wãna Ãcõrẽ deda, idjira Ãcõrẽ Jacoboɗe. Idjia jaradiaya idji ora, dadjirãra wãnia idji oɗe”. Jãʉ̃ leyba ẽdrʉbiya Sioʉ̃ra, idjaɓa Jeowa beɗeaba ẽdrʉbiya Jerusaleʉ̃nebema. 3 Idjia cawa oya purura, idjia ara ocuaya zocãrã purura. Idji necora de auɗu jʉrrʉjʉrrʉa ɓʉ quĩrãca ɓʉa. Jiorchara neco chirua ɓʉbari quĩrãca ɓʉa. Purura djõnacada necoba dewara purume, ni cawaɗaẽ́a djõni carea. 4 Aɓa aɓa acʉ panenia ãdji ẽjũãne uva iɗa ɓʉmae idjaɓa higojõ iɗa ɓʉmae, ni aɓaʉba perabicuaẽ́a, Jeowa ejercitoɗebemara idji iteba beɗeaɗa bẽrã.