Isaías
35 Ẽjũã põãsaɗe idjaɓa ẽjũã bio põãsa ɓʉɗe jãʉ̃gʉɗe capipia panania, ẽjũã jeweɗa põãsa quiruɗe jãʉ̃gʉɗe capipia ɓaya idjaɓa jãma põnõya azafrán quĩrãca. 2 Wãrãda põnõida nepõnõ; bio ɓʉsriɗa ɓaida idjaɓa capipiaɗeba biaɗida. Biya diaida eya Líbano quĩrãca, waiɓʉa ɓaida eya Carmelo, ẽjũã Saroʉ̃nebema quĩrãca. Ununida Jeowara bio zarea ɓʉda, dji waiɓʉa dadji Ãcõrẽnebema. 5 Jãʉ̃ ewariɗera, ẽberã dauɓerrea ɓeaɗaba ununia idjaɓa ẽberã cʉwʉrʉ qui ɓeaɗaba ũrĩnia. 6 Jãʉ̃ ewariɗera, jĩrũ cadjirua ɓeaɗara piraɗida begui quĩrãca idjaɓa beɗeaca ɓaɗada jĩgua ɓiaida capipia ɓʉ bẽrã. Ẽjũã põãsaɗe idjaɓa ẽjũã jeweɗa põãsaɗe baidora zocãrã ɓaida.